Brendon Daniels

Hieha! Cowboy Dan, ’n allerheerlike kortprent oor ’n karwag in die Kaapse middestad, wat hom verbeel hy is ’n cowboy, asook ’n profetiese, futuristiese prent, Benjamin, is die voorlopers onder die benoemings vir die beste kortprent (22 minute) op die agtste kykNET Silwerskermfees in Kampsbaai, Kaapstad.

Brendon Daniels se vertolking van die karwag Dan wat soos ’n wafferse Don Quijote, “windmeulens” bestorm, is ook benoem vir sy spel.

Benewens vir die beste kortprent in die nuwe kategorie vir 22 minute is Wynand Louw vir sy regie benoem asook vir sy draaiboek van Cowboy Dan. Die klankontwerp en redigering van die prent is ook uitgesonder.

Benjamin speel teen die watertekort in die land af en het ook ses benoemings in dié kategorie ontvang: beste kortprent, Johannes Pieter Nel vir sy regie en draaiboek, Crystal Donna Roberts vir haar spel, en die redigering is ook uitgesonder.

Crystal Donna Roberts

In die kategorie vir rolprente van 11 minute is Milan Murray se animasieprent Kromkieriefontein asook Marcel Spaumer se Uitstappie in drie kategorieë uitgesonder vir beste prent, regie en draaiboek.

Die volledige benoemings is as volg:

Beste kortprent (11 minute):

Die leeftyd van ’n orgidee

Kromkieriefontein

Uitstappie

Beste kortprent (22 minute)

Axis Mundi

Benjamin

Cowboy Dan

Beste regisseur: kortprent (11 minute)

Marí Borstlap: Die leeftyd van ’n orgidee

Milan Murray Kromkieriefontein

SW Strauss: Uitstappie

Beste regisseur: kortprent 22 minute

Johannes Pieter Nel: Benjamin

Matthew Jankes & Sean Steinberg: Axis Mundi

Wynand Louw: Cowboy Dan

Beste akteur

Brendon Daniels: Cowboy Dan

Deon Lotz Axis Mundi

Gershwin Mias: Die invloed

Beste aktrise kortprent

Antoinette Louw: Axis Mundi

Condy Swanepoel: Fluit fluit

Crystal-Donna Roberts Benjamin

Beste draaiboek: 11 minute

Hendrik Nieuwoudt, Kristen Pienaar en Reuben Murphy: Grys

Marcel Spaumer: Uitstappie

Milan Murray: Kromkieriefontein

Beste draaiboek kortprent: 22 minute

Johannes Pieter Nel: Benjamin

Matthew Jankes en Sean Steinberg: Axis Mundi

Wynand Louw: Cowboy Dan

Beste redigering

Alastair Orr: Axis Mundi

Alexander la Cock: Cowboy Dan

Jacques le Roux: Benjamin

Beste tegniese versorging

Charlotte Buys: klankontwerp, Cowboy Dan

Frances Kroon: kinematografie, Kloof

Johannes Pieter Nel: kinematografie, Benjamin.

Die wenners van die kort- en vollengte- rolprente  word vanaand in Kampsbaai  aangekondig.