Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Flieks
Italië bring ’n gerf prente na Kaapstad
Die plakkaat van Italië se Dogman, wat in Kaapstad op die internasionale fliekfees te sien is.

Nege van die jongste Italiaanse rolprente, wat reeds hul slag op internasionale feeste gewys het, is te sien op Kaapstad se internasionale rolprentmark en -fees.

Hier is van die prente wat vertoon word:

*Die veelbekroonde Dogman is Italië se amptelike inskrywing vir die Oscar-resies. Dié prent van regisseur Matteo Garrone handel oor Marcello, ’n gemoedelike man wat honde versorg vir ’n lewe. Sy lewe ontspoor as hy ’n vriendskap met ’n gewelddadige eertydse bokser aanknoop. Tog blyk dit of Marcello sy stem gaan dik maak. Die prent wys in die Nu Metro-teater, V&A Waterfront, op 13 Oktober om 17:00 en op 17 Oktober om 17:45.

*The Ball (Balon) is ’n koproduksie met Sierra Leone en fokus op twee weeskinders wat uitgelewer is aan ander se welwillendheid – hulle werk onder meer as slawe en word in ’n tronk aangehou voordat hulle op ’n boot na ’n onbekende bestemming gestuur word. Die prent word nie vir sensitiewe kykers aanbeveel nie. Pasquale Scimeca is die regisseur. Dit wys op 16 Oktober om 17:45 in die Cinema Nouveau en op 17 Oktober in Nu Metro-teater in die V&A Waterfront.

*Vriendskap is ook die fokus van The World Is Flat van die regisseur Matteo Carrega Bertolini. ’n Jong man is pas klaar gestudeer en dwaal verlore rond. Hy smee ’n vriendskap met ’n musikant en hulle gaan saam op reis. Dit wys op 13 Oktober om 20:00 in die Cinema Nouveau en op 18 Oktober om 18:30 in Nu Metro-teater, albei in die V&A Waterfront.

*We’ll Be Young and Beautiful ondersoek die verhouding tussen ’n sangeres en haar seun. Hoewel die ma steeds ’n mate van sukses behaal met die liedjies wat haar as tienerster beroemd gemaak het, is haar seun as begeleier nie tevrede met sy lewe nie. Hy droom om uit die klein dorpie te ontsnap, maar sal dan sy ma eensaam agterlaat.

Die regisseur is Letizia Lamartire. Dit wys op 14 Oktober om 18:30 in die Nu Metro-teater en op 19 Oktober in die Cinema Nouveauteater in die V&A Waterfront.

*Toegang is R50. Sowat 80 rolprente, ook dokumentêre en kortprente, is op die program van die fees wat tot 19 Oktober duur. Besoek www.filmfest.capetown vir meer inligting.

Meer oor:  Kaapstad
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.