Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Flieks
KYK: Dít is nuwe fliek waarin Charlize beseer is

’n Dubbele dosis goeie nuus wag op aanhangers van Charlize Theron wat gewonder het wanneer dié Oscar-wenner se volgende rolprent uitgereik word.

Nie net is die lokprent van The Old Guard, waarin sy die hoofrol vertolk, Donderdag aanlyn uitgereik nie, maar die aksierolprent word op 10 Julie op Netflix, ook in Suid-Afrika, uitgereik.

Theron vertolk die rol van Andy, die leier van ’n groep huursoldate, wat saam met haar span ’n buitengewone kenmerk het: Hulle is onsterflik en kan oënskynlik van enige wond genees. Hul geheim is oor die eeue heen bewaar terwyl hulle die wêreld keer op keer red, totdat ’n magnaat van hulle hoor en sy hande op hulle wil kry sodat hy munt uit hulle kan slaan.

Dit is naas Mad Max: Fury Road (2015), Atomic Blonde (2017) en ander aksierolprente die soveelste rolprent waarin die 44-jarige Theron omtrent gat skop.

Dit eis egter fisiek ’n tol: The Hollywood Reporter berig The Old Guard is die einste rolprent waarna Theron verwys het toe sy in Oktober verlede jaar met ’n handbesering op die laatnaggeselsprogram Jimmy Kimmel Live verskyn het.

“Ek voel soos ’n dwaas. Ek was in ’n aksierolprent en het ’n ligament van die been af geskeur terwyl ek besig was om (in die rolprent) te baklei,” het sy toe gesê nadat sy reeds twee maande aan die herstel was.

“Ek het ook my elmboog opgemors.”

Dit wil voorkom asof sy darem sedertdien ten volle herstel het.

Die rolprent is op die gelyknamige strokiesprentboek deur Greg Rucka gegrond, wat ook die draaiboek vir die rolprent behartig het.

Die rolverdeling sluit Chiwetel Ejiofor, KiKi Layne, Luca Marinelli, Marwan Kenzari en Matthias Schoenaerts in.

Die regisseur is Gina Prince-Bythewood, wat met rolprente soos Love & Basketball (2000) en The Secret Life of Bees (2008) in die regisseurstoel was.

– Saamgestel deur Christiaan Boonzaier

Meer oor:  Fliek  |  Charlize Theron  |  Netflix  |  The Old Guard  |  Flieks  |  Oscar
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.