Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Flieks
Skuif reg vir kragtige kortflieks op Netwerk24

Netwerk24 is eersdaags die tuiste van nege Afrikaanse kortflieks wat in die inperkingstydperk geskiet is.

Netwerk24 het in samewerking met die KKNK die Kortom-kortfliekprojek van stapel gestuur om te midde van die inperking ’n inkomste vir rolspelers in die kunste te skep.

Die eerste van dié kortflieks sal op Dinsdag 4 Augustus op Netwerk24 te sien wees.

“Die inskrywings het my weer eens laat dink oor die rol van die kunste in ons wêreld,” sê Laetitia Pople, Netwerk24 se kunsredakteur en een van die paneellede vir dié projek.

“Ons kunstenaars is soos altyd diep betrokke by die samelewing. Hulle laat ons lag en huil in ewemaat. Tog skroom hulle nie om ons te help om anders oor moeilike sake te dink nie.”

Kykers kan uitsien na vier komedies, drie dramas, ’n riller en ’n nieverbale dansfilm.

Alle draaiboekinskrywings is deur ’n paneel gelees, sonder inligting oor die betrokkenes, waarna ’n kortlys opgestel en finaliste gekies is. Die paneellede was Ilse Klink, Jody Abrahams, Laetitia Pople, Wayne Muller, Nini Conradie en Anika Pieterse.

Die skrywers was baie kreatief en het uit die kassie gedink, wat die stories baie opwindend en insiggewend maak.

Die vier komedies wat gekies is, is Voetjie Voetjie geskryf deur Nico Scheepers, Kortpad geskryf deur Gaerin Hauptfleisch; Nappy Blues geskryf deur Carla Smith en Stuur groete vir Fanie geskryf deur Marelize Viljoen.

Die drie dramas is: Markus en die son uit die pen van Philip Rademeyer, ’n Dag vir ’n oomblik uit die pen van Hillétje Möller en Die Dans Engel uit die pen van Vinette Ebrahim.

Die laaste twee is rillers: Ter nagedagtenis deur Soné Rossouw en Vasgevang, ’n dansproduksie gekonseptualiseer deur Figure of 8 Dance Collective.

Kykers kan uitsien na verskynings deur onder andere Cintaine Schutte, Waldemar Schultz, Roeline Daneel, Theo Jantjies, Albert Pretorius, Richard September, Brendon Daniels, Wilhelm van der Walt, Gerben Kamper, Kevin Narain, Fiaz Dalman en vele ander.

Klink sê die standaard van die inskrywings was van ’n baie hoë gehalte.

“Die skrywers was baie kreatief en het uit die kassie gedink, wat die stories baie opwindend en insiggewend maak. Regisseurs en skrywers gaan nou verder kreatief moet wees, om met die maatreëls en beperkings wat tans in plek is, produksies van uitstaande gehalte te vervaardig. Daar is voorwaar iets vir elke smaak in die nege stukke wat gekies is,” sê sy.

Daar word van 4 Augustus af elke Dinsdag een kortfliek op Netwerk24 beskikbaar gestel.

Meer oor:  Kknk  |  Kortom  |  Kortfilms
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.