Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Kuns
Lekgetho Makola neem leisels by Javett-kunstesentrum
Lekgetho Makola, die nuwe uitvoerende hoof van die Javett-kunstesentrum in Pretoria. Foto: Verskaf

Lekgetho Makola, ’n leier in die kunste met baie jare se ervaring in verskillende rolle, is as die nuwe uitvoerende hoof van die Javett-kunstesentrum by die Universiteit van Pretoria aangestel. Hy neem die leisels op 1 Februarie oor.

Makola, tans hoof van die Market Photo Workshop in Pretoria, is die eerste Afrikaan wat as voorsitter van die algemene jurie van die World Press Photo-eerbewyse aangestel is.

Onder sy leiding het die Market Photo Workshop in 2018 die Prins Claus-prys gewen.

Dié boorling van Limpopo se uitgebreide strategiese ervaring in kunste-administrasie sluit verskeie poste by museums in, onder meer dié op Robbeneiland, die Boijmans Van Beuningen in Rotterdam, Nederland, en die Durban-kunsmuseum.

In 2012 was Makola die medestigter van Kali TV in Washington DC en in 2016 het hy die Brand New Africa-stigting begin. Hy is ook ’n stigterslid van die virtuele kontinentale netwerk van opleidingsentrums vir fotografie in Afrika.

Makola se loopbaan het met studie in die visuele kunste aan die Durban-instituut vir Tegnologie begin waarna hy ’n meestersgraad in visuele kuns aan die Howard-Universiteit in Washington verwerf het.

Makola neem oor by dr. Samuel Isaacs wat die Javett-kunstesentrum tydelik bestuur het.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.