Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Musiek
Aardklop Aubade-konsert bied Kersmusiek by Affies

Die eerste Aardklop Aubade-musiekkonsert, wat die jaar “om vadersnaam met iets mooi sal afsluit”, word op 13 Desember in Pretoria gehou.

Dit word deur die Aardklop Nasionale Kunstefees en die Afrikaanse Hoër Seunskool in Pretoria aangebied omdat al hoe minder klassieke musiekkonserte die afgelope tyd in Pretoria te hoor was.

Charl du Plessis

RSG is die radiovennoot.

Met Carols and Chords word gehore op Kersmusiek getrakteer wat deur die pianis Charl du Plessis saamgestel is.

“Dit het begin toe die Brooklynteater gesluit het,” sê Alexa Strachan, Aardklop-feesbestuurder.

“Nataniël het my gebel en gesê dis ’n krisis, ons moet iets doen. Ek het gesê: Gee my net ’n dag om dit te verwerk. Ek kan nie alleen iets doen nie, maar ek kan as Aardklop ’n plan maak.”

So het die gedagte oor Aardklop Aubade ontstaan.

Strachan en Du Plessis het geweet van die Afrikaanse Hoër Seunskool se musiekdepartement se goeie fasiliteit, wat ook ’n orrel het.

“Die regte venue is belangrik as jy klassieke musiek wil aanbied,” sê Strachan.

Lizelle le Roux

“En die skool se ligging is ook perfek. En daar is ’n restaurantjie daar, as jy ná die konsert dalk wil aansit.”

Ná Desember is die volgende konsert eers in Februarie, waarna dit maandeliks op ’n Sondag om 11:00 aangebied word.

“Aubade” beteken oggendlied.

“Ons wil dit soggens aanbied, want dis dalk ’n makliker tydgleuf as laatmiddag,” sê Du Plessis, ’n Steinway-kunstenaar. Hy en die orrelis Ockie Vermeulen en die violis Lizelle le Roux tree op.

Rohan Grobbelaar, ’n gr. 10-leerling van Affies, tree vooraf vir tien minute op.

Voortaan sal ’n leerling van Affies op elke konsert die voorprogram aanbied.

Ockie Vermeulen

“Ons speel Kersmusiek van die afgelope 300 jaar,” sê Du Plessis.

Dit sluit in verwerkings van “Stille nag”, “Somerkersfees” en “Bethlehemster”.

“Ek moes die musiek so saamstel dat mense daarna sal wil luister. Dit moet gewild genoeg wees, maar nog steeds gesofistikeerd en van gehalte. Ná hierdie jaar wil ons die jaar op ’n goeie noot afsluit.

“Die ander musiekkonserte – sonder om iets te verklap – sluit in sangkonserte en klaviermusiek. Selfs tangomusiek. Dit is egter oorwegend klassieke musiek. Ons wil ’n aangename ervaring per maand bied.”

• Die datums en program oor die ander konserte word in Januarie bekend gemaak.

Die konsert begin om 11:00 in die Afrikaanse Hoër Seunskool se skoolsaal.

Kaartjies kos R120 tot R150.

Bespreek by Ticketpro.

Bel 087 527 0023 of stuur ’n e-pos na navrae@aardklop.co.za of besoek www.aardklop.co.za vir meer inligting.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.