Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Teater
Skoolseuns se verbode liefde in 'Romeo and Juliet'

Die verbode liefde tussen twee skoolseuns in ’n Katolieke skool in die 1950’s kenmerk Joe Calarco se bekroonde herskepping van William Shakespeare se bekende toneelstuk Romeo and Juliet.

Fred Abrahamse en Marcel Meyer se produksie van Shakespeare’s R&J (Calarco se teks) word tot Sondag in die Pieter Toerien-teater by Montecasino in Johannesburg aangebied.

William Shakespeare
Tailyn Ramsamy en Matthew Baldwin in Shakespeare's Romeo and Juliet.

“Dit was ’n ander tyd,” sê die akteur Jeremy Richard, een van die spelers in dié toneelstuk waarin vier skoolseuns ’n verbode teks van Romeo and Juliet in die hande kry en ’n verdrag sluit om die teks in hul slaapsaal uit te speel.

Aanvanklik is dit vir die seuns baie pret, maar mettertyd ontstaan spanning.

Matthew Baldwin, Dean Balie en Tailyn Ramsamy vertolk die ander drie skoolseuns.

“Die seuns vertolk verskillende karakters in Shakespeare se Engels,” sê Richard, “maar die twee seuns wat Romeo en Juliet speel, kom naderhand agter hulle speel nie meer toneel nie. Hulle voel werklik tot mekaar aangetrokke. En dit lei tot dramatiese gevolge.”

"Ons het al dikwels voor skoolkinders opgetree en dit is merkwaardig hoe baie die kinders hulle by twee verliefde seuns skaar."

Dit terwyl Shakespeare se oorspronklike teks oor verbode liefde handel tussen ’n man en vrou uit families wat ’n vete tussen hulle het.

Die skoolseuns het egter die verdrag gesluit, so hulle moet ondanks die onthullings hul vertolking van die teks voltooi.

“Die godsdienstige invloed van die tyd en die stigma jeens homoseksualiteit kom baie sterk na vore. Ons het al dikwels voor skoolkinders opgetree en dit is merkwaardig hoe baie die kinders hulle by twee verliefde seuns skaar. Dit terwyl my karakter nie gelukkig daarmee is nie, en die gehoor hom kwalik neem. Die skoolkinders kom kyk met ’n ingesteldheid van 2019. Dit is wat die teks soveel krag gee. Dit dui op ’n tydperk waarin dié soort liefde verbode was.”

Calarco se teks is die eerste keer in New York in 1997 opgevoer.

Abrahamse en Meyer het dit eerste keer hier op die Nasionale Kunstefees in Makhanda in 2011 opgevoer.

“Dit speel in die 1950’s af, maar die toneelstuk bevat tydlose temas,” sê Richard. “Dit het ’n oop einde wat die interpretasie aan die gehoor oorlaat.”

Meer oor:  William Shakespeare  |  Montecasino  |  Godsdiens  |  Teater  |  Gay
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.