Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tv
Bekendes verleen glans aan nuwe seisoen van 'Nisboere'

Nisboere is terug vir ’n nuwe seisoen op VIA (DStv-kanaal 147) – en dié keer kuier bekendes saam in elke episode van dié inspirerende landbouprogram.

En maak maar gereed vir groot name wat kom kyk wat Suid-Afrika se voorste nisboere vermag. Van die Springbok-rugbyspeler Victor Matfield en die aktrise Angelique Gerber tot sangers soos Bok van Blerk en Gerhard Steyn gaan by dié nisboere kers opsteek – en die kollig laat val op boerderye, nisgewasse en -produkte.

Victor Matfield
Victor Matfield

In episode 1 van seisoen 6 kuier Gerhard Steyn, ‘n bekende gesig op VIA, saam met die Nisboere-aanbieder Phillip Venter op die kiwi-plaas Blueberry Heights op Magoebaskloof in Limpopo. Hier boer Jonathan Trusler met organiese Gold-kiwi-vrugte. Hy is die enigste gesertifiseerde organiese Gold-kiwi-produsent in Suid-Afrika. Jonathan was eers in die IT-bedryf, maar het later begin boer.

Gerhard het geen bekendstelling nodig nie. Sy treffer "Baby Tjoklits" het hom in 2008 ‘n vertroude naam gemaak. Deesdae boer sy liedjie "Groter as Goliat" op die treffersparade en dié sanger is saam met Alvin Bruinders en Melinda Bam te sien in ’n nuwe VIA-dieetprogram, Skud dit af.

Maar het jy geweet Gerhard is op ’n plaas gebore?

“Ek het op ‘n plaas in die Putfontein-Vlakfontein-omgewing naby Benoni grootgeword en kon trekker bestuur lank voordat ek kon fietsry,” vertel hy. Om besoek af te lê op dié kiwi-plaas, was daarom vir hom ‘n spesiale ervaring – maar ook leersaam!

Gerhard Steyn
Gerhard Steyn

“Ek het nie geweet kiwi-boerdery is so ’n tydsame proses nie,” vertel Gerhard. “Dit kan tot vyf jaar neem vandat jy jou kiwi’s geplant het totdat jy jou eerste vrugte kan oes. Jonathan se geduld het ‘n groot induk op my gelaat. En dat hy die moeiliker roete volg – organiese vrugteverbouing – vat baie guts!”

Skakel in!
Nisboere begin Woensdag 7 April om 19:30, met herhalings op Sondae om 18:00 en Donderdae om 22:00 vanaf 15 April. Dié program word aangbied in vennootskap met Laeveld Agrochem.


Meer oor:  Dstv  |  Via Tv  |  Media24  |  Victor Matfield  |  Gerhard Steyn  |  Landbou  |  Nisboere
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.