Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tv
Boer Theunis praat nadat Renette liefde vind

Ná die nuus dat Renette Lotriet van die 12de reeks van die werklikheidsreeks Boer soek ’n vrou verloof geraak het aan ’n ander man, het boer Theunis sy beste wense vir haar en haar verloofde uitgespreek.

“Ek wens vir Renette en Lian alle voorspoed toe vir ’n wonderlike pad saam,” sê boer Theunis, wat in ’n skokwending vir Marcia bo Renette gekies het.

“Mag hulle mekaar perfek aanvul en net nader aan mekaar groei. Ek is baie bly sy het iemand gekry wat haar onvoorwaardelik lief sal hê,” sê Theunis.

Boer Theunis

Renette het op Nuwejaarsdag op Facebook aangekondig dat sy verloof is aan Lian du Plessis.

“Met die eerste sonsopkoms van 2020 het jy my die gelukkigste vrou ooit gemaak,” skryf sy op Facebook. “Nou weet ek hoekom dit die moeite werd is dat God ’n mens se liefdesverhaal skryf. Dankie Here vir dié ongelooflike blessing. Lief jou met my hele hart.”

Sy het foto’s gedeel van haar verloofring en die pragtige uitsig van die plek waar hulle verloof geraak het.

Sy sê ook op Facebook dat sy en Du Plessis in September verlede jaar ontmoet het en dat hy haar gewys het wat onvoorwaardelike liefde is.

Boer Theunis het ná die vroue se kuiers op die plaas alleen daar agtergebly nadat Marcia nie ’n toekoms saam vir hulle gesien het nie.

“Ek wil nie bly en dan werk dinge dalk nie uit nie,” het sy ná die tyd vir Renette gesê. “Ek is bang ek maak hom nog meer seer.”

Donderdagaand is die laaste episode van die reeks en kykers sal dan uitvind of boer Theunis steeds ’n alleenloper is en of hy intussen ook nuwe liefde gevind het.

Lian du Plessis en Renette Lotriet.Foto: Facebook/Renette Lotriet

Meer oor:  Boer Soek 'N Vrou  |  Boer Theunis
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.