VARS OP VIA

20:00 – Minki

Minki gesels met die aktrise Antoinette Louw, wat bekroon is vir haar rolle in onder meer Die laaste tango. Sy verras haar met iemand wat haar op skool al aangemoedig het om in haarself en haar talent te glo.

21:00 – Huisgenoot: Ware lewensdramas

Jimmy Abbott was nie net ‘n reus in die bokskryt nie, hy was ook ‘n reus in die lewe van die mense wat hy aangeraak het. Hy het sy lewe lank baklei, maar uiteindelik moes hy voor siekte die knie buig.

16:30 – Pak weg, pak reg

Neels van Jaarsveld is gewoond aan drama, maar die chaos in sy motorhuis is te veel vir die akteur. Tuis se ontrommelspan help hom om die drama uit sy motorhuis te verwyder.

17:00 – Skud dit af

Melinda sorg dat Alvin en Gerhard nie ’n plato tref met hul oefenprogram nie. Sy wys hulle hoe dinge in die kombuis werk en Jacques en Angelique skakel rustye uit met ’n nuwe oefenprogram.

18:30 – Wysneusies

Hierdie week kuier ons by The Barnyard in Stellenbosch en Helderberg Kids in die Strand. Die kleuters sing, gesels en doen die heerlikste aktiwiteite.

19:30 – Landbouweekliks

Ontgin alle potensiaal volhoubaar. Dít is die visie van die Eksteen-familie van Bufland-boerdery naby Mookgophong in Limpopo. Hier woeker hulle met saadmielies, sitrus en steenvrugte, wild en beeste.

20:30 – Doodgewone Jo

Jo Black kuier saam met die Bachelor-ster Jozaan Digue. Jo en die sanger Brendan Peyper raak handig met ’n pyl en boog en ons luister na die nuweling Frances Clare.

21:00 – Die koevert

Demi Lee Moore sê dankie aan die persoon wat haar spesiaal laat voel, gaan betuig haar bewondering teenoor ’n vreemdeling wat sy langs die pad ontmoet het en gaan wys haar waardering aan haar tuinier.

17:00 – Herman se kortpaaie

’n Vrou wil haar man met uithaler-geregte beïndruk sodat hy minder wegneemkos koop en meer aan haar kos smul. Herman wys haar watter kortpaaie daar is na ’n man se hart.

18:30 – Gesondheid, prontuit

Ons vind uit hoe onvrugbaarheid Jesnine Lesch en Analene Enslin se lewe ingrypend verander het, en hoe hierdie uitdagende toestand oorkom kan word.

19:00 – Dans in jou taal

Dit is hierdie week tyd vir die halfeindronde! Die junior kampioene ding mee om die top-ses te haal in al 11 dansstyle.

19:30 – Nisboere

Sabie Valley-gemmer en -borrie is vandeesweek se spesialisproduk en ons glansgas is die fenomenale flank Kwagga Smith.

20:00 – Eendag

Chantell en Alwyn van Robertson sou al in Desember 2020 afhaak, maar weens die pandemie moes hulle hul troue twee maal uitstel. Na soveel teleurstellings hoop hulle om hul droomtroue te beleef.

21:00 – Myne vir joune

Die Links-gesin styg uit met ’n sterk fokus op akademie en beplanning. Die Struik-gesin is vasgevang in trauma van die verlede. Watter lesse sal hierdie ruilkuier oplewer?

16:30 – Tuintoere

Besoek Liedjiesbos buite Bloemfontein saam met Derrich Gardner en geniet die inheemse plantegroei en plaasatmosfeer.

17:00 – Karoo-kombuis

Reinet-huis is een van die belangrikste geboue op Graaff-Reinet. Dié museum het in sy gloriedae as pastorie en koshuis gedien. Almaré besluit om ’n braai te reël vir van die dorp se onderwysers.

20:00 – Sjefhuis

Dis dag 3 in die Sjefhuis en die sjefs moet wys wie’s baas met kaas. Bertus Basson is die beoordelaar en Quanita Adams is die aanbieder.

21:00 – Keerpunt

Tanya en Ruan Naudé was lid van 'n groep stappers wat twee dae sonder enige voorraad in die Visriver-canyon verdwaal het. Die ervaring het nie net hul geloof verdiep nie, maar ook hul liefde vir mekaar.

17:30 – Laat die potte prut

Buite Stellenbosch by Middelvlei-wynlandgoed spook Pot of Luck, Kaapse Mense en Glorious Mexicans dit uit om te kyk wie die beste potkokke is. Die TV-sjef Renette Vosloo proe saam.

20:00 – Musiekpaniek

In hierdie episode bly Carla Mackenzie getrou aan rugby, want haar gas-aanbeider is die akteur David Johnson. Hulle toets sy grootste aanhangers se musiekkennis terwyl hulle meeding om ’n lekker prys.

08:30 – Besigheid wat saak maak

Ons kyk na die hartklop van ons gemeenskappe: klein besighede, entrepreneurs en planmakers. Die aanbieders Rozanne McKenzie en Anton Schmidt verseker ’n vermaaklike, interessante aanslag.

20:00 – Kom ons braai: familie en vriende

Dis in Gauteng waar die vure brand. Danie en Drikus bedien lamstjops, Hennie en Nicolene bedien kruisskyf in rooiwyn, en Pieter en Karien sit hoenderdytjies voor.