Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tv
Kritiek van alle kante oor SA se ‘Love Island’
Die eerste tien deelnemers aan Love Island SA. Vlnr: Millie Terblanche, Ian de Beer, Thimna Shooto, Kaige Bertasso, Rochelle van Vuuren, Jay Freemantle, Summer da Cruz, Durang Atembe, Erin Japhta en Asad Boomgaard. Foto: M-Net

Love Island SA? Eerder Pain Island.

Die produksiegehalte van die eerste episode van die maatsoekprogram Love Island SA word in die sosiale media uitmekaargetrek.

Die eerste episode van die reeks is Sondagaand op M-Net uitgesaai, maar kykers sê dit lyk asof dit met ’n swak selfoonkamera opgeneem is. Hulle het ook gekla oor die klank plek-plek heeltemal af was en sê hulle kon selfs in ’n stadium die produksiespan op die agtergrond hoor praat. Mense het die reeks Pain Island gedoop.

“Ons verstaan kykers se teleurstelling in verband met die produksiegehalte,” het DStv Maandagaand in ’n verklaring gesê. “Ons wil om verskoning vra vir die tegniese probleme wat ondervind is en werk regtig hard daaraan om dit op te los.”

Spiere en lyfies, maar waar is die diversiteit?

Kykers het veral op Twitter hul misnoeë uitgespreek oor die “tekort aan diversiteit” van die deelnemers aan die program, wat soortgelyk is aan die TV-reeks Big Brother.

Die doelstelling van Love Island is dat elke deelnemer ’n maat vind in die luukse huis waar die groep saam woon sonder kontak met die buitewêreld. Die deelnemers gewoonlik aantreklike, slanke of gespierde enkellopendes wat die meeste van die dag in hul baaibroeke deurbring.

Gedurende die reeks word nuwe deelnemers bygevoeg en sommige uitgeskakel. Die paartjie wat aan die einde van die reeks die publiek se gunsteling is, wen R1 miljoen.

Dié reeks het enorme sukses in veral Brittanje behaal en deelnemers daaraan vestig hulself daardeur as bekendes op die internasionale verhoog.

Tommy Fury, die jonger broer van die beroepsbokser Tyson Fury, was in ’n onlangse Britse reeks van Love Island te sien. Hy en sy pasmaat, Molly-Mae Hague, is byna twee jaar later steeds ’n paartjie. Die paartjie is egter een van die uitsonderings, aangesien die meeste byna onmiddellik ná die program opbreek.

Die tien deelnemers, vyf vroue en vyf mans, wat in Sondagaand se episode aan kykers bekend gestel is, was volgens talle nie verteenwoordigend van Suid-Afrika se bevolking nie.

Hoewel talle mense hul ontevredenheid hieroor uitgespreek het, het honderde ander gesê dit is nie ’n probleem nie en sulke denke is nie bevorderlik in ’n reënboognasie nie.

“Ons is trots daarop dat ons programme, insluitend Love Island, diversiteit en insluiting weerspieël,” lui die DStv-verklaring.

“Die vele kanale en duisende programure wat ons lewer, getuig hiervan. Kykers kan verseker wees dat dit in toekomstige episodes van Love Island SA duideliker sal blyk. Ons hoop dat kykers sal bly kyk om die nuwe sterre te geniet wat hulle in die volgende paar dae sal aansluit.”

Love Island SA word daagliks om 21:30 op M-Net (DStv-kanaal 101) uitgesaai.

Meer oor:  Realiteitsreeks  |  M-Net  |  Love Island
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.