Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Vermaak
Benoemings vir FiËsta-pryse
Fiëstas: Donker drama voor in koor
Greta Pietersen, Nicola Hanekom, Wilhelm van der Walt, Louis van Niekerk en Wilna Snyman in Son. Maan. Sterre dié Woordfees-produksie het met sewe die meeste Fiësta-benoemings ingehark. Foto: Leanne Stander

 ’n Donker drama, Son.Maan.Sterre, wat onder meer ouerskap, pedofilie en eensaamheid as temas het, het met sewe die meeste Fiësta-benoemings ingeryg

Die Brit Alice Birch se drama wat op die US Woordfees in Afrikaans gedebuteer het, is geregisseer deur Christiaan Olwagen en is uit Engels deur Saartjie Botha vertaal. Dit het aan Wilhelm van der Walt ’n benoeming as beste akteur besorg, terwyl Louis van Niekerk as beste manlike byspeler, Greta Pietersen, Nicola Hanekom én Wilna Snyman as beste vroulike byspelers benoem is.

Olwagen is benoem vir regie asook sy teaterontwerp en Son.Maan.Sterre is benoem as beste aanbieding op ál die feeste vanjaar. Van der Walt is op Aardklop vanjaar as beste akteur bekroon vir sy onheilspellende vertolking in dié aangrypende stuk.

Die Fiëstas vereer prestasie op die land se ses kunstefeeste.

Nicola Hanekom se In Glas (KKNK) het ses benoemings ingeoes. Nico Scheepers se Amper, Vrystaat (Vrystaat Kunstefees) en Die Dag is bros (Innibos) van Wessel Pretorius het beide vyf benoemings gekry.

Die Burger se Die Burger 100 jaar uitstalling onder kuratorskap van Sandra Hanekom is erken met ’n benoeming vir visuele kuns. Dit was op die Suidoosterfees (SOF) te sien. 

Die aktrise Lida Botha word vir haar lewenswerk vereer, asook Ronnie Samaai vir klassieke musiek en die dramaturg Pieter Fourie vir woordkuns.

Vanjaar se benoemings is:

Beste akteur:

  • Albert Pretorius vir Buite blaf die honde swart (KKNK)
  • André Odendaal: Skuldeiser (US Woordfees)
  • Stian Bam: In glas

Beste aktrise:

  • Anna-Mart van der Merwe: Skuldeise
  • Milan Murray: Amper, Vrystaa
  • Sandra Prinsloo: Die dag is bros
  • Tinarie van Wyk Loots: Hemelruim en In glas

Beste manlike byspeler: 

  • Louis van Niekerk – Son.Maan.Sterre;
  • Dean Smith – Die Dag is Bros; en
  •  De Klerk Oelofse en Loukmaan Adams – Liewe Heksie Flower Power (KKNK).

Beste vroulike byspeler: 

  • Greta Pietersen – Son.Maan.Sterre;
  •  Nicola Hanekom – Son.Maan.Sterre;
  •  Wilna Snyman – Son.Maan.Sterre; en
  •  Tinarie van Wyk-Loots – Buite Blaf die Honde Swart.

Beste regie:

  • Christiaan Olwagen – Son.Maan.Sterre;
  •  Jaco Bouwer – Santa Gamka (KKNK)
  •  Nico Scheepers – Amper, Vrystaat; en
  •  Nicola Hanekom – In Glas.

Beste teaterontwerp:

Benewens Son.Maan.Sterreb is Birrie le Roux vir Skuldeiser; Scheepers vir Amper, Vrystaat en Die Dag is Bros benoem.

Beste prestasie in ’n musiekgedrewe produksie:

  • Amanda Strydom – Amanda Strydom: Die Hele Boksemdaais (KKNK);
  •  Laurika Rauch – Nie As Ek Sing Nie: Laurika Rauch (Aardklop);
  • Margit Meyer-Rödenbeck (konsep) Liewe Heksie: Flower Power; en
  •  Schalk Joubert (musiekregie) – Al Lê die Berge nog so Blou (KKNK).

Beste spel in ’n solovertoning:

  •  Gys de Villiers – Elsie se Nommers (Innibos);
  •  Marion Holm – Die Kaap is Weer Holms (KKNK);
  •  Marlo Minnaar – Santa Gamka; en
  • Wessel Pretorius – Adam 2 (Woordfees).

Beste nuutgeskepte Afrikaanse produksie:

  • Eben Venter, Marlo Minnaar en Jaco Bouwer – Santa Gamka;
  • Nico Scheepers – Amper, Vrystaat;  
  • Nicola Hanekom – In Glas; en 
  • Wessel Pretorius – Die Dag is Bros. 

Beste prestasie in klassieke musiek:

  • Esthea Kruger – Rising Star (Woordfees);
  •  Kaapse Jeugkoor onder leiding van Leon Starker – Na Waters waar Rus is (Woordfees);
  •  US-koor onder leiding van André van der Merwe – US-koor (Woordfees); en
  • Zanne Stapelberg en Odeion-strykkwartet (SOF).

Beste prestasie in visuele kuns:

  • Sandra Hanekom – Die Burger 100 jaar uitstalling;
  • Alex Hamilton – Jou Daaglikse Dosis en Opskiet by die Mu­seum (Aardklop en Woordfees); 
  •  Nathani Luneburg – As die Vlooie Byt in La La Land (KKNK); en
  •  Sanell Aggenbach – Atopia (Aardklop).

Beste musiekgedrewe produksie:

  • Al Lê die Berge nog so Blou;
  •  In die Grond van die Wind; 
  •  Liewe Heksie: Flower Power;
  •  Nie As Ek Sing Nie: Laurika Rauch.

Beste aanbieding:

  • Amper, Vrystaat;
  • Die Dag is Bros;
  •  In Glas en 
  •  Son.Maan.Sterre.
  • Die wenners van die Fiësta-pryse word op 18 Februarie 2016 bekend gemaak by ’n glansgeleentheid in die Staatsteater. 


MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.