Dié jaar se geleentheid is uitgestel tot 26 – 29 November weens huidige Covid-19-regulasies. Maak intussen gereed – registreer jou span of kry jou ondersteunerskaartjie.

Die Bull Run is een van daai ikoniese byeenkomste wat jy nooit regtig sal verstaan as jy nog nie saam op die pan gestaan en stof gevreet het nie.

Dis ’n petrolgedrewe-partytjie met ’n V8 en ‘n lekker raserige uitlaatstelsel waar mans en vrouens weer hulle tienerbrein kan asem gee om te droom dat hulle weer 16 jaar oud is, vir die naweek pa se karsleutels gekry het, en niemand is by die huis nie... Daai Cortina MOET ge-rev word. 

Datum: 26 – 29 November

Waar? Vanwyksvlei, Noord-Kaap 

Reëls: Die rygoed moet ouer as 1985 (1985 ingesluit) wees en minder as R30 000 kos. 

Hoe registreer ek?

Vinnig spring – registreer jou span of kry jou ondersteunerskaartjie op Quicket

Sien julle op Vanwyksvlei!

Kyk hier na die video van die 2019 Bull Run:

Geborg: Outdoor Warehouse, Pro Auto Rubber