African Vineyard het ’n 4-ster- en AA Superieur-gradering.  Dis ’n oase waar jy rus en vrede kan kry, en waar jy die roep van die visarend kan hoor. Kom ervaar plattelandse gasvryheid op sy beste. 

Die gastehuis is op Kanoneiland geleë, ’n nedersetting tussen Upington en Keimoes in die groen Kalahari-streek van die Noord-Kaap. Dis op jou pad as jy in die rigting van die Augrabies-waterval of die Kgalagadi-oorgrenspark ry, en is op die N14 na Namakwaland.

African Vineyard bied luukse verblyf, fantastiese kos en ’n buitelug-spa-ervaring wat jou liggaam en siel sal vernuwe.  Dis ook ’n pragtige venue vir troues, konferensies en onthale. 

Dis 'n pragtige trou-venue
Jy kan ook in die winter kom.
Eethappies.
Mmmmm. Lekker.

Elke slaapkamer in die gastehuis het ’n unieke styl en is smaakvol ontwerp en ingerig deur die eienaars, Elmarie en Theuns de Bruin. Jy kan hul liefde vir die natuur en eenvoud in al die dekor by African Vineyard sien. 

Dit is die Sauvignon-eenheid.
So lyk Sultana.
Dit is Chardonnay
So lyk Petit.
Hierdie is Lyra.

Buite stap jy deur boorde appelkoos-, suurlemoen- en peerbome, en oor ’n houtbruggie oor ’n stroom om die buitelug-spa te bereik. Masseersessies vir pare is veral gewild, veral as geskenke vir verjaardae of huweliksherdenkings. African Vineyard spesialiseer in behandelings met produkte van Kalahari Ancient Desert Secrets, ’n reeks skoonheidsprodukte wat Carina Franck van inheemse Kalahari-plante vervaardig.

Die spa se ingang.

Sit ná jou spa-behandeling aan vir ’n luilekker feesmaal van lamskerrie, tuisgemaakte koedoewors, beesstertbredie, en vars brood met vye- of korrelkonfyt (alles tuisgemaak).  Ontbyt, middag- en aandete word op versoek voorgesit (bespreking is noodsaaklik). Die restaurant en kunsgalery open eersdaags. 

Vir meer inligting: 0834611724/ 0605038449 

www.africanvineyard.co.za 

africanvineyard.info@gmail.com

Kontak hulle!