Hierdie artikel word moontlik gemaak deur Hi-Tec, Trappers en Canon.

As jy elke keer verlangend na stories oor epiese pelgrimsreise soos die Camino de Santiago, die Via Francigena of die Inka-staproete in Peru geluister het, of sommer lus het om saam met pêlle die Otter- of die Vis te gaan stap, en dink jy dit nóóit maak nie, het ek goeie nuus. Stap is makliker as draf, en dit is moontlik om stapfiks te word.

 Die Weg-span deel ’n kantoor met die fikse verslaggewers van Runner’s World, Bicycling SA, en Men’s en Women’s Health. Dis gesellige, kleurvolle redaksies wat dikwels in gim-klere op kantoor rondhang. My kollegas van Women’s Health het hierdie oefenprogramme verskaf. Hulle kry dit van kenners die wêreld oor. 

Stap is makliker as draf, en dit is moontlik om stapfiks te word.

Die eerste oefenprogram is net om aan die gang te kom. Gebruik dit as jou langste oefening tans van die parkeerterrein tot in die kantoor is. As jy eers ’n bietjie aan die gang is, kan jy oorskuif na die tweede program. Dié program is eintlik ontwerp vir drawwers wat vir ’n halfmarathon (21 km) oefen, maar die afstande werk vir stappers ook.

Die derde oefenprogram is vir die hoërgraadgroepie wat wil aanskuif na ’n ernstiger oefenprogram. Dit is eintlik ’n 20 week-oefenprogram vir stappers wat ’n marathon (42 km) wil aflê, maar dit sal jou topfiks maak vir enige meerdaagse staproete. 

Foto: Gerda Engelbrecht
Foto: Gerda Engelbrecht

Die basiese beginsel van die oefenprogramme

Jy gaan nooit vinnig stap op die Inka of die Camino nie, maar jy moet jou lyf kondisioneer om elke dag te stap en gewig te dra. Die mikpunt van hierdie oefenprogramme is dus nie spoed nie, maar “tyd op jou voete”. Probeer om gereeld te stap op weekdae, al is dit korter afstande, en oor naweke een langer stap aan te pak.

Maak die naweekstap ’n kleedrepetisie vir jou beoogde staptog. Gebruik dit om jou toerusting te toets (skaaf die rugsak se bande?) en jou stewels in te loop. Sluit bulte by jou roete in.  

Die beginnerstapprogram (vir die skilpadgroepie)

skilpadgroepie
Vir die skilpadgroepie

Hoe vinnig moet jy stap? Verbeel jou jy is laat vir ’n afspraak en moet jou pas effens versnel om betyds te kom. (Die pas waarmee jy uit die skool gevlug het as die 14:00-klok lui, is te vinnig.)

*Bulte: Soek ’n bultjie in jou omgewing van so 150 meter. Stap hom armswaaiend op, maar slenter hom af om jou asem terug te kry. Doen dit vir 30 minute lank. ’n Hardloopmasjien in die gimnasium kan ook werk. 

Die 21 km-stapprogram (vir die hasiegroepie)

hasiegroepie
Vir die hasiegroepie

Die 20 week-marathon-stapprogram (vir die cheetah-groepie)

Vir die cheetah-groepie
Vir die cheetah-groepie

*Begin eers met hierdie oefenprogram as jy al vir ’n ruk lank minstens drie dae per week geoefen het en jy al gemaklik ’n 10 km kan stap. As jou nie 20 weke oor het voor jou staptog nie, volg die eerste paar weke se program, maar kyk of jy die langer stap op dag 7 kan rek tot 20 of 25 km. 

*Dag 2 se X-oefen: Die Engelse noem dit “cross training of Xtraining”, maar ons het vasgeval met die Afrikaans. Dit beteken dat jy op dié dag jou oefenprogram afwissel. Jy kan dus fietsry, swem, muurbal speel of in die gimnasium oefen. 

Onthou, hierdie oefenprogramme was eintlik op drawwers gemik en is aangepas vir stappers. Die oorspronklike Women’s Health-programme het kragoefeninge met gewigte ingesluit. Dit kan baie nuttig wees. Gaan kyk op hul webwerf. 

Daar is ook maklike vetverliesoefeninge en diëte as jy ekstra gewig probeer afskud.


As jy ’n Instagrammer is en vir ’n lang staptog oefen, neem vir ons asseblief ’n foto en merk dit #WegStap. Onthou om ons te “tag” by @menseselense 

Weg se Camino-avontuur word moontlik gemaak deur Hi-Tec, Trappers en Canon

Foto’s is met die Canon M50 geneem.