Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Nuwe aanstellings bied geleenthede vir studente

Akademia wat reeds agt jaar bestaan en al meer as 3 500 Afrikaanse studente toegang tot gehalte-hoëronderwys gebied het, het onlangs ’n akademiese hoof en drie dekane aangestel.

“Die akademiese hoof en dekane wat aangestel is, se taak is onder andere die uitbreiding van ons program-aanbod in die geesteswetenskap, asook om bydraes tot die totstandkoming van fakulteite in natuurwetenskap en opvoedkunde te lewer,” verduidelik Marthinus Visser, besturende direkteur van Akademia.

Prof. Danie Goosen, dosent in die geesteswetenskap by Unisa, neem in Februarie sy plek as akademiese hoof by Akademia in.

Prof. Pieter Duvenage neem in Januarie die leisels as dekaan van die Fakulteit Geesteswetenskap. Duvenage was departementshoof van die Universiteit van die Vrystaat se departement filosofie, en is ereprofessor in politieke filosofie by die Cardiff-universiteit in die Verenigde Koninkryk.

Prof. Hannes Rautenbach is aangestel om van Februarie sy plek as dekaan van die Fakulteit Natuurwetenskap in te neem. Rautenbach was voorheen departementshoof van die departement geografie, geoinformatika en meteorologie by die Universiteit van Pretoria en buitengewone professor by die Skool vir Gesondheidstelsels en Publieke Gesondheid aan dieselfde universiteit.

Prof. Gawie du Toit is as dekaan van die Fakulteit Opvoedkunde aangestel, en sluit in Maart by Akademia aan.

Du Toit was voorheen hoof van die Skool vir Opvoedkunde by die Sol Plaatje-universiteit.

Die aanstellings van hierdie gerekende akademici vorm deel van Akademia se oprigting van ?omvattende residensiële kampus. “Ons glo dat hierdie kundiges se gerekende ervaring ? merkwaardige bydrae sal lewer om Akademia se akademiese en bedryfsrelevantheid te behou en toenemend uit te bou,” sê Visser.

Aansoeke om studie in 2019 is oop tot 19 Januarie.

Die akademiese hoof en dekane wat aangestel is, se taak is onder andere die uitbreiding van ons program-aanbod in die geesteswetenskap. - Marthinus Visser

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Bloem Nuus Kontak ons
Stemme

Hallo, jy moet ingeteken wees of registreer om artikels te lees.