Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Kaptein span seile teen misdaad

Moorreesburg-polisiekantoor het onlangs ’n vriendelike nuwe gesig verwelkom.

Kaptein Deon Jooste (49) is in Desember 2018 as die nuwe sig­bare-polisiëringshoof (Vispol) aangestel.

Jooste, ’n boorling van Swel­len­dam het sy polisieloop­baan in Desember 1990 by die Conville-polisiekantoor in George begin, waar hy ook gematri­kuleer het.

Hy het aanvanklik ná skool regte by die Universiteit van Wes-Kaapland (UWK) gaan studeer, maar moes weens persoonlike redes opskop. “Ek het toe aansoek by polisie en bewaarders gedoen en is op dieselfde dag laat weet ek is deur albei aanvaar.” Hy het die polisiediens gekies.

Jooste is in 1991 na die Bishop Lavis-opleidingskollege en in dieselfde jaar na die Suurbraak-polisiekantoor tussen Heidelberg en Swellendam verplaas.

Vandaar af is hy na Barrydale-polisiekantoor waar hy vir twee jaar gewerk het voordat hy na die polisieakademie in Graaff-Reinet is om verder te studeer.

“Ek is toe terug George toe waar ek onder meer skofte, misdaadvoorkoming, toe die ondersoek van misdaad en later in die georganiseerde misdaad­onder­soekeenheid werksaam was.”

Hy het in 2005 na Malmesbury verhuis om by sy vrou aan te sluit en het die afgelope 13 jaar onderskeidelik as skofbevel­voerder, sektorbevelvoerder en operasionele ondersteunings­beampte van die sigbare polisiëringseenheid gewerk voordat hy einde verlede jaar bevorder is na hoof van die sigbare polisiëringseenheid by Moorreesburg-polisiekantoor.

Oor sy nuwe pos, sê hy: “Die uitdaging is om die gemeenskap veilig te hou en ’n verskil te maak in andere se lewe.”

Sy visie is om ’n veilige omgewing vir die gemeenskap te skep en veral jeug ’n geleentheid op sukses te gee deur dwelms en ledigheid uit die weg te ruim.

Jooste sê sy eerste fokus sal wees om drank en dwelms van die strate af te kry. Dit wil hy doen deur “dag en nag volge­houe aanslae teen dwelms en onwettige drankhandelaars van stapel te stuur”.

“Eiendom word gesteel, gesins­geweld vier hoogty in die gemeenskap. Werkloosheid is aan die orde van die dag. Dit is my en almal se plig om te werk aan dié kwessies sodat Moorreesburg ’n veilige omgewing vir almal sal wees.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.