Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Oukloof herleef in Riebeek-kasteel

Sondag 14 Januarie het voormalige inwoners van die Oukloof-gemeenskap in Riebeek-Kasteel ’n vergadering gehou om die Oukloof-erfenisprojek van stapel te stuur.

Dié projek beoog om die geskiedenis van die Oukloof-gemeenskap te dokumenteer – waar 57 bruin huishoudings in 1965 volgens die Groepsgebiedewet uit Riebeek-Kasteel verwyder is.

Die 57 gesinne is na die nuutgeboude dorp aan die buitewyke van Riebeek-Kasteel geskuif wat nou as Esterhof bekendstaan. Hul huise, tesame met die Nederduits Gereformeerde Sendingkerk, is daarna gesloop om vir die groeiende wit gemeenskap plek te maak. Vandag is daar geen bewyse in Riebeek-Kasteel dat die Oukloof-gemeenskap ooit op die dorp bestaan het nie.

Met die vergadering het ’n klein groepie voormalige Oukloof-inwoners emosionele stories van hul lewe in Oukloof en die hartseer wat gevolg het toe hulle uit hul huise verwyder is, gedeel.

“Ons was nie ryk nie, maar ons was bly en gelukkig om in Oukloof te woon. Ons kon ons eie brood bak, ons eie groente plant en diere in die tuin aanhou. Toe moes ons na Esterhof gaan en dit alles is van ons af weggeneem,” vertel Maria Appollis.

Daar is geen amptelike rekord van die Oukloof-gemeenskap se geskiedenis nie. Tesame met ’n taakspan is die doel van die Oukloof-erfenisprojek om inligting van voormalige inwoners van Oukloof en die 1965-gedwonge verskuiwings wat plaasgevind het te versamel, op te teken en te dokumenteer. Dit is ook daarop gemik om te kyk na die impak wat die uitsettings en verhuising na Esterhof op hul lewe gehad het. “Een van die uitslae van die uitsetting en die daaropvolgende voorgee dat dit nooit plaasgevind het nie, is dat rasseverhoudings in die dorp baie bitter is. ’n Kerndoel van die proses is om hierdie verhoudings te verbeter,” sê Roger Roman, een van die taaklede wat by die Oukloof-erfenisprojek betrokke is.

Planne word ook beraam vir ’n boek, ’n webwerf en ’n gedenkteken oor Oukloof.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.