Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Wynbedryf verdien nou net 77c per bottel

Die aksynsverhoging wat deur die nasionale tesourie ingestel is, sal heelwat wynondernemings ’n finale nekslag toedien en die ekonomiese herstel van die Suid-Afrikaanse wynbedryf verder kniehalter.

Tito Mboweni, die minister van finansies, het onlangs tydens die nasionale begrotingsrede ’n aksynsverhoging van 8% aangekondig op alle wyn, vonkelwyn en brandewyn.

“Hierdie volg op die rug van ’n 16%- loon- én ’n 15%-elektrisiteitsverhoging wat op plaasvlak geabsorbeer word. Ons is uiters teleurgesteld dat die regering weer eens nie gehoor gegee het aan die pleidooi van ons bedryf nie,” sê Rico Basson, die bestuurshoof by Vinpro.

“Vinpro en ander bedryfsorganisasies het in gesprekke met die tesourie die afgelope paar maande die benarde posisie van die Suid-Afrikaanse wynbedryf benadruk en versoek dat aksynsbelasting met nie meer as 50% van die verbruikersprysindeks (VPI) gelig word nie.

“In die lig van die ernstige finansiële posisie waarin ons bedryf tans is, het ons nou stabiliteit, beleidsekerheid en finansiële verligting en ondersteuning nodig. Die hoër as verwagte aksynsverhoging doen afbreuk hieraan en kan heelwat sakeondernemings wat reeds op hul knieë is, ’n finale nekslag toedien. Dit sal net tot die reeds groot aantal werksverliese bydra én die sosiaal-maatskaplike uitdagings in hierdie gemeenskappe vererger.”

Die werklikheid is dat die aksynsverhogings nie noodwendig die verbruiker se sak raak nie, maar afgewentel word na wyndruif­produsente. Van ’n gemiddelde bottel wyn wat teen R45 verkoop word, het die regering voor die loon-, elektrisiteits- en aksynsverhogings R10,04 uit aksynsbelasting en BTW verdien, teenoor die wyndruifprodusent wat ’n netto boerdery-inkomste van 77c per bottel verdien het.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.