Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stemme
Uit die wegspringblokke

“800 km?”, kom die vraag vanuit verre Skotland. “AGTHONDERD KILOMETER?!?!” Amper asof ek nie die eerste vraag verstaan het nie. “Stap? Te voet? Is jy mal?!”

Ek weet nie. Dalk. Ek is seker ’n hele paar mense wat my ken sal sê ek is sertifiseerbaar. Dalk moet mens effe mal wees om al 800 km van die Camino de Santiago in Spanje te voet aan te pak. In 35 dae.

“Hoekom?” is die meeste mense se volgende vraag. Ek weet nie. Dalk om ’n punt te bewys dat mense met liggaamlike struikelblokke nie op ’n hopie hoef te sit omdat ander reken hulle kan iets nie regkry nie.

Dalk is die reis ’n soeke na iets wat nog ’n naam moet kry. Of dalk bloot omdat dit, soos Everest, dáár is en die voltooiing daarvan ’n uitdaging is.

So daar is dit nou. Ek gaan die Camino stap. Al die pad van St. Jean Pied de Port in Frankryk tot by Santiago de Compostela in die noordweste van Spanje. Al 800 km daarvan. Te voet.

Ek is by die omdraaipunt verby. Die vliegkaartjie is bespreek, die skoene gekoop en die paspoort hernu. Ek oefen verwoed, maar meer hieroor volgende keer. Dít is ’n hoofstuk op sy eie!

Die finaliteit van ’n besluit is ’n vreemde ding. Die grootsheid van Die Weg, soos Camino-pelgrims dit noem, boesem saam met die uitsien daarna tog ook vrees in. Maar ook dít is deel van die reis. Tot volgende keer.

Buen Camino! (Good Path)

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.