Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boland-gazette
Swaar vonisse vir misdadigers
Die veediefstaleenheid in Malmesbury het onlangs twee goeie vonnisse verseker.

In die eerste saak is die Zimbabwiër Benson Ndlovu op drie aanklagte – twee ingevolge die natuurbewarings­verordening en een ingevolge die immigrasiewet – skuldig bevind en gevonnis nadat hy vroeër vanjaar in ’n lokval vasgetrek is.

Ndlovu is op 27 Junie op die R45 tussen Paarl en Malmesbury in ’n operasie ingevolge Artikel 252A van die strafhandelingsprosesaangekeer toe lede van die veediefstaleenheid en eenheid vir bedreigde spesies vir hom ’n lokval gestel het waar ’n ietermagôvel vir R94 000 aangekoop is. Nadat die transaksie voltooi is, sonder enige geld, is Ndlovu in hegtenis geneem.

Hy is aangekla van die jag of besit van ’n bedreigde wilde dier sonder ’n permit ingevolge Artikel 26 van die Natuurbewarings­verordening 19/1979asook ’n klag van handel in karkasse van ’n bedreigde wilde dier sonder ’n permit ingevolge Artikel 44 van die natuurbewarings­verordening 19/1979.
Die derde klag hou verband met die Immigrasiewet van 2002 omdat hy ’n onwettige immigrant is.

Hy is op 5 November op al drie aanklagte skuldig bevind en as volg gevonnis: Aanklag 1: ses jaar tronkstraf waarvan twee jaar vir vyf jaar opgeskort is; vier jaar effektiewe tronkstraf, aanklag 2: twee jaar tronkstraf, en aanklag 3: R1 500 of drie maande tronkstraf opgeskort vir drie jaar met voorwaardes. AO Rudi Lourens het die saak ondersoek.

In ’n nog saak is Nontsele Mongameli van Mbekweni in November verlede jaar op pad na ’n beesveiling in Gouda in hegtenis geneem nadat hy in besit van gesteelde beeste betrap is wat hy op die veiling wou gaan verkoop.
Dit was glo die tweede keer dat hy met die gesteelde beeste gevang is. Hy is op aanklag van veediefstal skuldig bevind en agt jaar tronkstraf opgelê waarvan drie jaar vir vyf jaar opgeskort is (vyf jaar effektiewe tronkstraf). Die ondersoekbeampte was sers. Donny Ngoma.

Die veediefstaleenheid wat al pryse gewen het, dek 33 polisiekantore, onder andere die Paarl, en strek van Philadelphia, al langs die N7 tot by die Noord-Kaapse grens.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.