Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Eiendomme
Opruimingsveiling sonder reserwepryse

Van vandag tot Sondag bied Old Johannesburg Warehouse Auctioneers ’n veiling aan wat ’n geen-reserweprys-opruimingsessie met 300 lotte insluit.

Dié ontwerperspalmtassie is ook by die veiling te kry.

Dié sessie, wat vandag om 13:00 begin, het onder meer meubels, keramiek, glasware en kuns.

Môre begin die gewone antiekesessie om 09:00. Die verskeidenheid sluit in Georgiaanse meubels, waarvan ’n boekrak en kaart­tafel vermelding verdien, skaars Transvaal-Africana-meubels, keramiek en silwer, Anglo-Boereoorlog-stukke, seldsame muntstukke en note, klassieke emaljetekens en gereedskap.

’n Groot verskeidenheid klassieke visstokke, katrolle en nette, insluitend Hardy-stukke, word ook aangebied. Tientalle stukke kom uit die persoonlike versameling van die voormalige Springbok Gerrie Germishuys.

Tradisionele en kontemporêre kuns (120 lotte) word ook in die sessie verkoop. Werke deur onder andere Frans Claerhout, J.H. Pierneef, Nelson Makamo, Mark Hipper, Pieter van der Westhuizen, Alexander Rose-Innes en Anton Kannemeyer kom onder die hamer.

Sondag begin die “skattejag” om 09:00 met items wat veilinggangers ure lank besig sal hou.

Die sessie vir alleenstaande juweliersware en horlosies begin om 13:00 met ’n magdom glinsterende lotte. Verskeie Victoriaanse, Art Nouveau-, Art Deco-, antieke en moderne stukke vorm deel hiervan.

Van die visstokke wat dié naweek by Old Johannesburg Warehouse Auctioneers se veiling te kry gaan wees. Tientalle stukke kom uit die persoonlike versameling van die voormalige Springbok Gerrie Germishuys.

Die sessie sluit ook in ’n paar ontwerpershandsakke en sonbrille deur onder andere Louis Vuitton, Marc Jacobs, Ted Baker, Gucci en Montblanc.

Registrasie vir die veiling is gratis. Alle katalogusse kan by www.oldjwauctioneers.com aanlyn besigtig word. Vir meer inligting, skakel 011 836 1650 of stuur ’n e-pos na info@oldjwauctioneers.com.

Meer oor:  Veilings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Die Burger Kontak ons
Stemme

Hallo, jy moet ingeteken wees of registreer om artikels te lees.