Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Landbou
Bladskud: Nuwe stem op Vinpro se direksie

Wyndruifboere in die Klein Karoo het ’n nuwe stem in die vorm van Jandré Human op die direksie van die wynbedryfsliggaam Vinpro gekry.

Human is die bestuurder en wynmaker by Suid-Kaap Wingerde en is op Vinpro se virtuele algemene jaarvergadering vroeër die maand tot die direksie verkies.

Luidens ’n verklaring volg hy vir Niël Joubert van die plaas Warmwater op. Joubert was ná sewe jaar op die Vinpro-direksie op rotasiebasis herverkiesbaar, maar het homself nie weer herkiesbaar gestel as direkteur vir die streek nie.

Jandré Human Foto: Verskaf

Human is al sedert 2013 aan die stuur van sake by Suid-Kaap Wingerde, en was voor dit onder meer by die kelders Overhex, Brandvlei en Windmeul betrokke. Gedurende sy tyd by Overhex het hy as die Worcesterstreek se verteenwoordiger op Sawis, die inligtingsdiens van die wynbedryf, se tegniese komitee gedien.

“Jandré is ’n aanwins vir die Vinpro-direksie, met goeie perspektief oor die operasionele kant van wyndruifverbouing, produksie en die bemarking van die markklaarproduk. Ons sien daarna uit om saam met hom te werk om die Suid-Afrikaanse wynbedryf te help herbou,” sê die Vinpro-voorsitter Anton Smuts in die verklaring.

  • Het jy geweet? Vinpro verteenwoordig nagenoeg 2 500 Suid-Afrikaanse wyndruifprodusente, kelders en wynverwante ondernemings. Die organisasie voorsien strategiese leiding, bied gespesialiseerde dienste en beywer hom vir die ontwikkeling van mense.
Meer oor:  Klein Karoo  |  Vinpro  |  Landbou
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Die Burger Kontak ons
Stemme

Hallo, jy moet ingeteken wees of registreer om artikels te lees.