Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Landbou
Landbounuus: In syfers

Landbounuus: In syfers

  

€255 miljoen

 Die waarde van drankuitvoer na Suid-Afrika vanuit die Europese Unie verlede jaar. ’n Oorsese drukgroep in die drankbedryf, spiritsEurope, het ’n beroep gedoen op die Suid-Afrikaanse regering om ’n “duidelike en betroubare” tydsraamwerk te gee oor hoe die drankverbod gedurende die staat van inperking hier vinnig opgehef kan word, berig Nellie Brand-Jonker op Netwerk24. Die organisasie word beskryf as ’n verteenwoordiger van een van Europa se waardevolste landbou-uitvoersektore, wat die belange van 31 verenigings van spiritua­lieë-produsente en tien van die voorste drankmaatskappye in die wêreld verteenwoordig. Volgens Ulrich Adam, direkteur-generaal van spiritsEurope, word die verbod op eie bodem ook deur die groot handelsvennote soos die Europese Unie (EU) gevoel omdat Suid-Afrika ’n belangrike uitvoerbestemming vir drank van daar af is. 

50% 

Dit is ongeveer hoeveel persent van al Suid-Afrika se landbouprodukte uitgevoer word volgens die landbousakekamer Agbiz, berig William Horne op Netwerk24. Volgens Wandile Sihlobo, hoofekonoom van Agbiz, is hy bekommerd oor die ekonomiese krisis se impak op die landbou. Hy het in ’n gesprek met die Kaapstadse Persklub aan die einde van Julie gesê voedselsekerheid is nie meer ’n kwessie van aanbod nie, dis nou ’n kwessie van of mense dit kan bekostig. 

300 miljoen liter  

Dit is met hoeveel oorskotwyn Suid-Afrikaanse wynprodusente tans in hul keldertenke sit weens die algehele verbod op drankverkope in die land, aldus die wynbedryfsliggaam Vinpro. Volgens Vinpro is die boere besig om vir die 2021-oes voor te berei, maar met al die oorskotwyn gaan daar moontlik net nie plek vir die nuwe oes wees nie. 

Meer oor:  Syfers  |  Landbou
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Die Burger Kontak ons
Stemme

Hallo, jy moet ingeteken wees of registreer om artikels te lees.