Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Boek trek lesers midde-in die geweld

Martin Steyn van Somerset-Wes, het so pas sy jongste boek, Swartval, bekendgestel.

Dié 40-jarige het op 15-jarige ouderdom die verskeie wêrelde en karakters in Stephen King se boeke leer ken en dit magic gevind.

“Ek wou ook wêrelde en karakters skep en het my eerste kortverhaal in standerd 9 (gr. 11) geskryf – ek was dadelik verlief daarop.

“Ten spyte daarvan dat die produk van twyfelagtige gehalte was,” voeg hy by.

Swartval is Steyn se derde boek. Sy vorige boeke, Donker spoor en Skuldig handel min of meer oor dieselfde onderwerp: geweld teen vroue.

“Dis iets wat my pla. Of dit nou fisiek, seksueel of emosioneel is.”

Die verskil in Steyn se derde boek is dat dit uit die slagoffer se perspektief geskryf is, terwyl Donker spoor en Skuldig uit die perspektief van ’n polisieman geskryf is.

“Dit maak die geweld baie meer persoonlik, want die leser ervaar saam met die slagoffer die geweld. Ek wou ook oor die innerlike krag van vroue skryf; dis iets wat ek gereeld in boeke oor ware misdaad teëgekom het.”

In 2015 het hy ’n ATKV-veertjie vir sy eerste boek gewen.

Donker spoor het ’n lang pad gekom. Dit is vele kere herskryf en herstruktureer voordat dit uiteindelik deur LAPA-uitgewers aanvaar is. Dit was ’n wonderlike hoogtepunt nadat my droom om ’n gepubliseerde skrywer te wees, waar geword het.”

Behalwe dat hy dit geniet om sy boeke te skryf, “want dit voel nie soos werk nie” geniet Steyn dit ook om saam met vriende te kuier, wynplase te besoek en na musiek te luister. Hy geniet dit ook om te teken en, natuurlik, om boekbekendstellings by te woon.

’n Gedeelte van die opbrengs van die verkope van Swartval word aan Rape Crisis Helderberg, ’n niewinsgewende organisasie wat hulp bied aan slagoffers van verkragting en seksuele mishandeling.

Gevra of hy al ’n idee vir sy volgende boek het, sê hy: “Daar is al ’n idee en ek brand om te begin skryf. Ek is besig met die vooraf-navorsing.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak DistriksPos Kontak ons
Stemme

Hallo, jy moet ingeteken wees of registreer om artikels te lees.