Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stemme
Ontevrede met diens

Einde November het ek ons Hyundai motor na Hyundai in Gants-sentrum geneem vir ’n diens.

Die werkswinkel se ontvangsdame het later my vrou, onder wie se naam dit ingeboek is, geskakel om te sê dat die motor se battery, volgens die werktuigkundige wat die motor gediens het, vervang moet word. Daarna het ek die instruksie gegee om die werktuigkundige in kennis te stel dat hy nie die battery moet vervang nie want ek het geweet dat daar niks fout met die battery was nie.

Ná werk het ek Hyundai besoek en die dame vertel dat ek hulle later sal kontak oor die battery. Van daar is ek direk na ’n ander werkswinkel om die battery te toets. Ná ’n deeglike toets, het die werktuigkundige rapporteer dat die battery 100% in werkende toestand is.

Die volgende Vrydag, ry ek toe deur na Hyundai in Stellenbosch en vra hulle om die battery op hul toerusting te toets. Na afloop van die toets, het hulle my van ’n verslag voorsien wat bewys dat die battery geensins iets makeer nie.

Op 5 Desember, gaan sien ek mnr. Wolf Kreft en vra hom waarom sy werktuigkundige my vertel dat die battery vervang moet word ten spyte daarvan dat dit niks makeer nie. Sy antwoord was dat sy kollegas nooit so iets sal doen nie.

Ná ek die verslag van Hyundai Stellenbosch aan hom voorgelê het, het hy my verseker dat hy ondersoek sal instel en my oor sy bevindinge sal inlig.

Drie-en-vyftig dae later het ek nog niks van hom of enige van sy kollegas gehoor nie. Gevolglik, het ek Vrydag 27 Januarie omstreeks 15:25 weer besoek afgelê aan Hyundai. Daar het ek die geleentheid gehad om met die werkswinkel se bestuurder te gesels, aangesien mnr. Kreft besig was met ’n kliënt.

Ek het hom gevra waarom ek nog geen woord ontvang het oor die ondersoek nie. Hy verduidelik toe dat die werktuigkundige van niks weet nie.

In reaksie hierop het ek die bestuurder ingelig dat ek die situasie aan die koerante sal gaan verduidelik en dit moontlik op sosiale media plaas. Die bestuurder se antwoord hierop was: “Dan moet dit maar so wees.”

Tydens my eerste besoek by mnr. Kreft het ek ook aan hom vertel dat ek dit oorweeg om dié situasie aan die koerante te verduidelik. Sy reaksie hierop was: “Wat gaan u daarby baat?” My antwoord hierop is dat ek eenvoudig wou verhoed dat iemand anders in dieselfde situasie sal beland.

Gert Wilmot,
E-POS
Wolf Kreft, Hyundai Somerset West dealer principal, responds: Our technical department at Hyundai carries out repairs and services to many thousands of cars in the area. Scheduled servicing policy is prescribed by the manufacturer and components such as lights, brakes, tyres and batteries are checked thoroughly. Unserviceable or worn components are noted by our technicians and communicated to our customers for possible remedy. We take pride in our effort to look after our customers and their cars alike, but if, as in this particular case, a customer questions the integrity of the dealer, the quality of workmanship or the general level of service, it remains their prerogative to get a second opinion and/or quote elsewhere. We will continue to offer great service and workmanship to our customers in order to make Hyundai the best-loved South African motoring brand.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak DistriksPos Kontak ons
Stemme

Hallo, jy moet ingeteken wees of registreer om artikels te lees.