Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stemme
Parkie nie die probleem nie, haweloses wel

Dit is hartseer om te moet lees van die mesaanval op Marius Roets in Bridgewater (Man oorleef mesaanval in SW, DistriksPos, 26 Januarie).

Die parkie in Strubenstraat was al die jare oop gewees, sonder enige heining, en dinge was oor die algemeen redelik vreedsaam (“‘Oop’ parkie bly ’n kopseer”, DistriksPos, 2 Februarie). Die parkie is immers eers ’n paar jaar gelede omhein.

Die probleem het gekom toe die haweloses hul intrek geneem het in die berugte huis in Bellonastraat, nie ver van Strubenparkie nie. Die tragedie wat daar aan die gang is, sal bekend wees aan die gereelde lesers.

Die brug by die historiese “Old Bridge” is ook nou weerskante van die pad beset deur ’n groeiende groep uitdagende haweloses. Vreedsame voetgangers wat albei oorgange oor die Lourensrivier gebruik, word gereeld gedreig of beroof.

Sekerheidsdienste en die polisie is wel bewus van die kriminele elemente wat daar skuil.

Op plaaslike vlak is die verkose leiers duidelik onbevoeg en / of onwillig om iets daadwerkliks, benewens natuurlik lippediens, aan die saak te doen. Om dus die oop parkie as die “kopseer” uit te lig, is nie waar die fokus moet lê nie.

Willem Bester,
BRIDGEWATER

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak DistriksPos Kontak ons
Stemme

Hallo, jy moet ingeteken wees of registreer om artikels te lees.