Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Vermaak
Tragi-komedie première by Woordfees

Die bekende radiodrama en verhoogstuk Die Rebellie van Lafras Verwey, uit die pen van bekroonde skrywer Chris Barnard, wat in April in fliekteaters landwyd begin draai, se amptelike lokprent is pas bekendgestel.

Die gesoute akteur, Tobie Cronjé, vertolk die hoofrol.
Hierdie tragi-komedie is gegrond op die 1971-drama wat deur die oorlede skrywer en sy seun, Simon Barnard, verwerk is in ’n eietydse draaiboek.

Dit vertel die verhaal van Lafras Verwey (Cronjé), ’n aardsverlore siel wat nooit die werklikheid rondom hom kon aanvaar nie.

Hy werk in die staatsdiens, maar hoor ander musiek in sy ore en droom drome oor ’n wonderlike toekoms.

Lafras sien homself as ’n sleutelfiguur in die voorbereiding van ’n groot rebellie wat die gesig van die wêreld sal verander.

Wanneer hy Petra (Chantelle Phillipus), ’n jong swanger vrou, onderdak neem, kry die rebellie vir hom nog groter betekenis.

Ironies genoeg, begin sy gedroomde revolusie juis die nag wat die baba gebore word.

Komedie, drama en elemente van fantasie, word verweef in ’n aangrypende storie, van ’n man wat kans sien om die onmoontlike aan te durf om sy droom, van ’n beter wêreld vir almal, te verwesenlik.

Die Rebellie van Lafras Verwey se amptelike première sal Donderdag 9 Maart by die Universiteit Stellenbosch Woordfees vertoon word.

Bekendes soos Neels van Jaarsveld, Phillipus, Cobus Visser, Lionel Newton en Albert Pretorius het ook rolle in dié fliek.

Kyk die lokprent op YouTube.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak DistriksPos Kontak ons
Stemme

Hallo, jy moet ingeteken wees of registreer om artikels te lees.