Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Dié wraak tussen Greeffs en Steenkamps ‘welverdiend’
Die roman Verdiende wraak, historiese fiksie, sal eersdaags op boekrakke beskikbaar wees.

Die Stellenbosch-gebaseerde skrywer Malene Breytenbach se nuwe boek, Verdiende wraak, word eersdaags vrygestel.

Volgens Breytenbach handel die verhaal, historiese fiksie, oor die vete tussen twee families ná die Boereoorlog. Die twee families is die Greeffs, wat die hensoppers was en wie se seuns national scouts was, en die Steenkamps, wat bittereinders was.

Breytenbach vertel: “Kommandant Steenkamp het die een Greeff-seun laat teregstel en die Greeffs neem wraak. Salomien Steenkamp, wat van Pretoria af kom en met kommandant Steenkamp se seun getroud is, beleef die vete en die moorde. ’n Engelsman wat hulle gehelp het toe hulle op hul behoeftigste was, raak op haar verlief.”

Mense wat graag historiese fiksie lees, sal in dié soort roman belangstel.

“Die Boereoorlog is nog altyd vir my fassinerend. Die boek is geïnspireer deur prof. Albert Grundlingh se boeke oor hensoppers en joiners, en familiegeskiedenis van my man, prof. Willie Breytenbach, wat ’n boorling van Ermelo is.”

Verdiende wraak is Breytenbach se negende roman.

LAPA en NB-Uitgewers het ook meer as vyftig van haar romanses (kontemporêr, medies, histories, Romanza en Superromanza) gepubliseer.

Twee romanses is onder ’n skuilnaam, Marilyn Bennett, gepubliseer.

Breytenbach het ook kortverhale vir bundels soos Bloots, Skarlakenkoors, Skrik op die lyf en Hartlam bygedra en verskeie van haar kortverhale is in tydskrifte soos Huisgenoot en Vrouekeur gepubliseer.

Malene Breytenbach
Die skrywer Malene Breytenbach.

Breytenbach het eers in Gweru, Zimbabwe, gewoon. Daarna het sy na Pretoria verhuis, aan die Afrikaanse Hoër Meisieskool gematrikuleer en aan die Universiteit van Pretoria gestudeer.

Sy en haar gesin het in 1985 na Stellenbosch verhuis waar sy aan die Universiteit Stellenbosch die grade Hons, magister en DPhil in Joernalistiek, magister in Ou Nabye Oosterse Studie en MPhil in Antieke Studie behaal het. Sy het lank by die Universiteit gewerk, maar tans skryf sy voltyds en skilder nou en dan.

* Verdiende wraak sal landwyd teen die einde van September by uitgesoekte boekwinkels, soos Bargain Books, Exclusive Books en Protea Boekwinkel-takke, teen R275 beskikbaar wees.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Eikestadnuus Kontak ons
Stemme

Hallo, jy moet ingeteken wees of registreer om artikels te lees.