Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Om die bos gelei

Ek was geskok om as Stellenbosser deur iemand van Kaapstad ingelig te word dat die Jonkershoek-natuurreservaat van 1 Desember af nie meer voertuie gaan toelaat nie.

Ek sal graag wil weet wie die besluit geneem het en of die publiek geraadpleeg is.

In ’n skrywe deur CapeNature en MTO Trails word dit as ’n voldonge feit aangekondig dat motorvoertuie van 1 Desember in die Jonkershoek-reservaat taboe is. Die redes is veiligheid van besoekers, die moontlikheid van voertuie wat vasval of ongelukke veroorsaak, mense wat onwettig oornag in die reservaat en die moontlikheid dat voertuie brandbestryding kan belemmer.

Al bogenoemde aspekte was altyd potensiële gevare en daarom teken besoekers ’n vrywaring as hulle die natuurgebied betree. As dit in werklikheid gaan oor fietsryers wat sonder inagneming van ander mense op die paaie in die reservaat wil jaag, of die swak instandhouding van die paaie in die reservaat en daarvoor geld benodig word, pak hierdie uitdagings aan deur doeltreffende bestuur. Moenie gebruikers om die bos lei met ongegronde redes nie.

Die reservaat is nou ontoeganklik vir ouer mense en kinders wat nie van die toegangshek tot by die meeste staproetes kan stap nie.

Jonkershoekliefhebber,
Stellenbosch
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Eikestad Nuus Kontak ons
Stemme

Hallo, jy moet ingeteken wees of registreer om artikels te lees.