Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sake
Leer skuld bestuur

Skuld is ’n onvermydelike deel van die menslike ervaring. Boonop staan jy en ander Suid-Afrikaners voor ’n unieke uitdaging – ’n verbruikerskultuur wat onmiddellike bevrediging onophoudelik dryf.

Kombineer dit met die maklike toegang tot krediet, dan vorm dit die perfekte storm om beheer oor jou geldsake te verloor. Daarom is skuldbestuur ’n uiters noodsaaklike strategie om jou finansiële situasie onder beheer te hou.

Deur voortdurend ’n doeltreffende skuldbestuursplan te implementeer, kan jy jou finansiële situasie proaktief bestuur, beheer oor jou skuld behou, jou weg uit oorverskuldigheid vind en op die regte pad bly om jou finansiële doelwitte te bereik.

Carla Oberholzer, skuldadviseur by DebtSafe, beklemtoon: “Jou geld kan met beheer oor jou geldsake ’n kragtige bondgenoot word. Maar, as jou skuld onbeheerd gelaat word, word dit ’n genadelose vyand.”

Met die bogenoemde in ag geneem, wat is die stappe om ’n doeltreffende skuldbestuursplan te handhaaf?

Stap 1: Hersien jou finansiële situasie

Eerstens, kry ’n algehele idee van wat jou finansiële situasie tans weerspieël. Beantwoord hierdie drie vrae om jou eerste skuldbestuurstap gereed te kry:. Wat is jou maandelikse inkomstebedrag ná aftrekkings?. Wat wys jou betalingsgeskiedenis op jou bankstate vir jou uit?. Wat toon jou kredietrekord? . Het jy geweet dat jy jou kredietrekord gratis elke jaar by enige geregistreerde kredietburo kan aflaai?

Stap 2: Vergelyk jou huidige inkomste met jou skuld

Die tweede stap tot behoorlike skuldbestuur is om jou huidige skuld-tot-inkomste-verhouding te bereken.

Hier is hoe in ’n neutedop:. Tel al jou maandelikse skuld op (+). Deel (÷) dit deur jou inkomstebedrag voor enige aftrekkings (bruto salarisbedrag). Jou totale/die finale persentasie (%) toon jou skuld-tot-inkomste-verhouding. . Let wel: Enige persentasie bo 40 is ’n waarskuwingsteken. Hoe hoër jou berekening se persentasie is, hoe nader is jy aan oorverskuldigheid.

Stap 3: Gee voorkeur aan watter skuld jy vinniger moet afbetaal

Om voorkeur aan skuld te gee, beteken nie dat jy sekere skuld nie hoef af te betaal nie; jy moet steeds jou maandelikse verpligtinge nakom. Om jou skuld te prioritiseer, beteken dat jy daardie skadelike (slegte) skuld identifiseer en jou begroting gebruik om maniere te vind om hierdie soort skuld gouer af te betaal.

Skuld wat jou finansiële waarde verhoog, moet in “goeie skuld” gegroepeer word, en skuld sonder enige langtermyn-waarde kan op jou lys van “slegte skuld” geplaas word.

Stap 4: Stel ’n persoonlike begroting op

Noudat die grondslag vir die opstel van jou begroting gedoen is, moet jy voortgaan om daarby te hou. Hier is ’n basiese oorsig waarmee jy jou begroting kan uiteensit:. Neem jou bedrag geld wat inkom (jou netto inkomste – salaris ná aftrekkings, soos belasting of WVF), insluitend ander inkomste (maandelikse kommissie of huurinkomste, byvoorbeeld).. Minus (–) dit met jou geld wat uitgaan (jou uitgawes – skuld-/kredietooreenkomste, dienskontrakte of vaste betalings soos jou lewenskoste of verpligtinge wat gewoonlik nie deur debietorders betaal word nie). . Plus (+) dan jou maandelikse spaargeld (beleggings, pensioenfonds, uittree-annuïteit en verwante geld) of ander spaargeld (korttermyn-spaargeld, soos spaargeld verwant aan tersiêre onderrig of ’n noodfonds). . Dit is dan gelyk aan (=) die geld wat jy oor het vir die maand. . Indien die finale bedrag ’n surplus weerspieël, kan jy dit gebruik om jou huidige skuld te delg. Maar, as jou bedrag ’n minus reflekteer, het jy buitensporige skuld wat proaktief benader en uit die weg geruim moet word.

Stap 5: Gebruik jou begroting om jou skuld te bestuur

Beantwoord die vier vrae om seker te maak dat jy jou begroting behoorlik gebruik en jou skuld daarvolgens bestuur:

1. Wat is jou finansiële doelwitte?

2. Watter skuldbedrae is skadelik vir jou finansiële situasie en hoe gaan jy dit aflos of doeltreffend afbetaal?

3. Van watter duur gewoontes/luukshede of leefstylkeuses moet jy ontslae raak?

4. Het jy ’n noodfonds? En, indien nie – hoe kan jy ruimte in jou begroting maak om een te begin?

Doeltreffende skuldbestuur is die sleutel om beheer te neem oor jou finansiële situasie en is ’n weldadige lewensvaardigheid om te bemeester.

Neem ’n selfversekerde stap om jou plan aan die gang te kry en vol te hou, en sodoende jou geld in ’n kragtige bondgenoot om te skep.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Eikestadnuus Kontak ons
Stemme

Hallo, jy moet ingeteken wees of registreer om artikels te lees.