Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Eikestadnuus
Titia Ballot-kunsuitstalling geopen
kuns
Prof Muller en Titia Ballot by haar etswerk getiteld “Selfportret”.

’n Uitstalling, getiteld “Toevlug”, van die kunswerke van Titia Ballot (née Du Toit) is op Maandag 30 September in die Hugenote-gedenkmuseum-anneks op Franschhoek deur die voorsitter van die Hugenote-vereniging, dr Andrew Kok, geopen. 

Ballot het sedert 1970 reeds 32 solo-uitstallings aangebied waarvan ’n vyftal in Duitsland en België plaasvind. Die Erepenning vir Visuele Kunste (Grafiese Kuns) is in 2008 deur die Suid-Afrikaanse Akademie vir Wetenskap en Kuns aan haar toegeken.

Haar kunstenaarsvisie was die afgelope 32 jaar op die nalatenskap van haar Hugenote voorouers gegrond. Dit het haar telkens geïnspireer om aspekte van hervestiging en kulturele aanpassing in Suid-Afrika soos wat dit deur immigrante en hul nasate ervaar is, te verbeeld.

Haar vroeëre werke verwys spesifiek na historiese Hugenote besittings en was in die Hugenote-gedenkmuseum te sien tydens die 300-jarige Hugenotefees in 1988. Meer onlangse werke gee visuele gestalte aan die trauma van hedendaagse migrante in Suid-Afrika.

Die uitstalling duur tot 30 Oktober.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Eikestad Nuus Kontak ons
Stemme

Hallo, jy moet ingeteken wees of registreer om artikels te lees.