Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Dade brul voort

Die manne van die Overstrand-motorklub is besig om ’n positiewe verskil in die gemeenskap te maak.

Dié klub het Saterdag tot die redding gekom van ongeveer agt gesinne van Tsepe Tsepe in Zwelihle wat Sondag 13 Oktober al hul besittings in ’n brand verloor het.

Gideon Links, voorsitter van die klub, sê lede het onlangs besluit om hul kaste skoon te maak en oortollige klere vir behoeftige mense te skenk.

“Craig Niemand het ons vertel van omtrent agt families van Zwelihle wat alles in die brand verloor het en ons het besluit om die klere aan hulle te skenk,” het Links vertel.

“Ek het ook klere by die personeel van Gansbaai Academia gekry wat van dié projek gehoor het.”

Die motorklub se lede het Saterdag vroeg van die brandweerstasie in Hermanus in ’n konvooi na Tsepe Tsepe in Zwelihle gery waar hulle met ’n gemeenskapsleier van dié gebied ontmoet het om die byna 20 sakke skenkings te oorhandig.

Links sê projekte soos hierdie lê die klublede na aan die hart. “Ek het die klub gestig met die visie om ’n verskil in die gemeenskappe van die Over­strand te maak wat strek van Die Damme tot Rooiels.”

Die groep het onlangs geld ingesamel om ’n tweedehandse hospitaalbed vir ’n siek seun van Stanford te koop (“Karmanne laat harte warm klop”, Hermanus Times, 10 Oktober 2019).

Die groep help ook ’n ander organisasie wat Saterdag ’n Halloween-partytjie vir kinders in Gansbaai reël.

“Volgende wil ons geld en skenkings vir ’n Kerspartytjie vir minderbevoor­regte kinders insamel en daarna beoog ons om genoeg skoolklere en skryfbehoeftes in te samel om minstens tien kinders in Januarie te help,” sê Links.

Enigeen wat skoolklere, skryfbehoef­tes, lekkergoed en speelgoed (selfs tweedehands) vir dié doel wil skenk, kan Links by 062 507 7292 (slegs Whatsapp) of 061 993 6144 bel.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Hermanus Times Kontak ons
Stemme

Hallo, jy moet ingeteken wees of registreer om artikels te lees.