Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Elf toets positief by die Black Mountain-myn

Elf werknemers van Black Mountain-myn het tot dusver positief vir die koronavirus getoets.

’n Verdere agt mynwerkers wag nog op hul toetsuitslae en is onder kwarantyn geplaas, sê Shanice Franks, woordvoerder van die Black Mountain-kompleks.

“Tot dusver het drie van ons werknemers hul isolasietydperk van 14 dae voltooi, het mediese evaluering ondergaan en was medies geskik verklaar om te werk.”

Hoewel die werknemers nie gedurende hierdie tyd op die perseel is nie, het die myn verskeie voorkomende maatreëls getref om die gemeenskap veilig te hou, sê Franks.

Die voorsorgmaatreëls sluit in bewusmaking en opleiding van Covid-19, daaglikse temperatuur-monitering vir alle mense wat die myn binnekom, streng reisprosedures terug na die werksplek en sosiale afstand- en higiëne-maatreëls.

Franks sê die myn het ook meer as 600 kospakkies, talle maskers in die Khai-Ma-gemeenskappe soos Pella, Pofadder, Witbank en Onseepkans en uitgedeel.

Verskeie skole het maskers en termometers as skenkings van die myn ontvang.

Altesaam 50 liter handontsmettingsmiddels is aan die Khai-Ma-munisipaliteite en die Namakwa-distrik geskenk.

Vier ouetehuise en twee sentrums vir persone met gestremdhede in die munisipale gebiede van Khai-Ma en Nama Khoi het kospakkies en doeke van die myn ontvang.

Voedselprodukte soos vleis is aan die Pofadder-ouetehuis en Kinderhuis geskenk.

Die myn het ook water aan polisielede wat by padblokkades aan diens is, geskenk.

Higiëniese noodsaaklikhede soos risiko-beheerpakke, maskers, veiligheidsbrille en handontsmettingsmiddels is aan distriksowerhede versprei. Die departement van maatskaplike ontwikkeling het ook kospakkies ontvang.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.