Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Hoofartikel: Hulde aan dié helde

Die volle felheid van die Covid-19-pandemie het Suid-Afrika nou getref. Die koers waarteen mense die afgelope week geïnfekteer word en die skerp toename in die vraag na gespesialiseerde hospitaalbehandeling is die tsoenami wat ons verwag het.

Waarop ons minder voorbereid was, was die persoonlike tol wat dit eis. Covid-19 het skielik ’n gesig. Al hoe meer mense ken iemand wat iemand ken wat siek geword het, of moes reeds iemand in eie kring aan die dood afstaan.

Dis nie die politici wat in die voorste linie van hierdie storm veg nie, maar dapper gesondheidswerkers. Van hulle word nou verwag om ’n amper onmenslike besluit onder groot druk te neem: Wie gaan leef en wie gaan sterf?

Dis die soort besluite wat noodreddingswerkers op die oorlogsveld of in ’n rampgebied moet neem. Maar ons hospitale het nou oornag slagvelde geword. Die ramp is hier.

In dié drukkoker moet hospitaalwerkers professioneel funksioneer, terwyl hulle boonop op ’n persoonlike vlak onder bykomende druk geplaas word. Hulle word in die uitvoering van hul taak blootgestel aan die moontlikheid om self deur die koronavirus geïnfekteer te word. Daarby bestaan die vrees dat hulle ’n geliefde by die huis kan aansteek.

Gesondheidswerkers in veral die openbare sektor het reeds voor die uitbreek van die pandemie onder baie moeilike omstandighede gewerk. Covid-19 het al daardie omstandighede vererger.

Kom ons staan net vir ’n oomblik stil in respek teenoor elke gesondheidswerker – van portier tot spesialis – wat toegewyd en vasberade sy of haar deel doen om ons deur hierdie krisis te dra.

Kom ons doen ons klein deel om te help. Dra ’n masker. Was jou hande. En as jy kan, bly by die huis.

– Beeld, 21 Julie

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.