Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Kinderharte verwarm
Lydia Cock
Lydia Cock en kapt. Billyboy van Wyk het op Mandeladag (18/07) na kinders uitgereik. Foto: Verskaf

Daar is niks lekkerder as ’n beker stomende sop en ’n sny warm, varsgebakte brood om jou teen die koue te pantser nie.

Ongelukkig is dit nie vir almal beskore nie. Daarom het Lydia Cock kinderharte in Upington op Mandeladag (18/07) verbly.

Terwyl die meeste mense dié wintersdag warm en knus kon bly, het Cock, ’n vrywilliger wat geregistreer is om na straatkinders om te sien, tesame met die polisie en borge, na behoeftiges uitgereik.

Hulle het meer as 300 minderbevoorregtes met sop en vetkoek verras.

Sy sê straatkinders het diep in haar hart gekruip.

“Om op Mandeladag te kon sien hoe hulle lag en vir ’n rukkie van hul moeilike omstandighede vergeet, maak dit die moeite werd.”

Cock wil aanhou om ’n verskil in hul lewe te maak en is besig om die Imbizo Safe Haven op die been te kry.

Dit sal ’n veilige hawe vir straatkinders wees.

“Ek wil vir hulle ’n liefdevolle huis gee wat die meeste van hulle tot nou toe nog nie gehad het nie. Ek wil hul menswees aan hulle probeer teruggee.”

Sy wil dié kinders help om terug te keer skool toe, vir hulle vaardighede aan te leer en ook opleiding te bied.

Mandela dag
’n Jong seuntjie ontvang ’n bord sop op Mandela dag. Foto: Verskaf

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.