Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Leerling blink uit in drama

’n Jong Upingtonner is een van die finaliste wat later vandeesmaand teen toneelspelers, drama-geesdriftiges en aspirantdigters gaan meeding om as die wenner van Suid-Afrika se eerste aanlyn dramakompetisie bekroon te word.

Chrizelle Strydom, ’n gr. 12-leerling aan die Hoërskool Upington (Uppies), het tydens die Covid-19-grendeltyd aan die aanlyn dramakompetisie, Dramaweb SA, deelgeneem.

Chrizelle Strydom
Chrizelle Strydom. Foto: Verskaf

Die opwindende nasionale aanlyn dramakompetisie word deur die bekende aktrise Ira Blanckenberg en haar man, Waldemar Schultz, aangebied.

Talle talentvolle kinders oor die land heen het deur middel van selfoonvideo’s aan die kompetisie deelgeneem.

Hulle het gedigte en monoloë ingestuur.

Chrizelle is nasionaal as een van die tien finaliste in die afdeling gr. 11 tot gr. 12 aangewys.

Sy het die beoordelaars in haar oudisie en met haar optrede beïndruk, en ’n sertifikaat met platinum status (bo 90%) verwerf.

Hiermee het Chrizelle dus na die eindronde van Dramaweb SA wat op Saterdag 25 Julie via Zoom gehou is, deurgedring. Chrizelle was tweede in die afdeling gr. 11 tot gr. 12.

Riaan Kotze, skoolhoof van die Hoërskool Upington, het Chrizelle geprys vir haar puik prestasie te midde van die eksamen en toetse.

Hy sê die skool is baie trots op haar en wens haar alle sterkte toe.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.