Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Man vas ná flink optrede

Dae nadat ’n blinde bejaarde vrou in haar huis in Siyathemba verkrag is, is haar vermeende verkragter in Olifantshoek vasgetrek.

Volgens brig. Mohale Ramatseba, polisiewoordvoerder, het die voorval op Jeugdag (16/06) gebeur nadat die vrou (74) se kleindogter en dié se kêrel in ’n hewige rusie betrokke geraak het.

Nadat die onderonsie glo geweldadig geraak het, het die kleindogter en haar suster gevlug en hul ouma agtergelaat.

Die blinde ouma is na bewering daarna verkrag.

Ramatseba sê lede van die polisie se eenheid vir gesinsgeweld, kindermishandeling en seksuele oortredings (GKS) in Kathu het met die misdaadintelligensie-eenheid, die Olifantshoek-polisiekantoor en speurders saamgewerk om die man vas te trek.

Volgens Ramatseba is daar onmiddellik tot ’n aksieplan van 72 uur oorgegaan om die verdagte vas te trek.

Die 32-jarige man is Donderdagoggend, 18 Junie, in die omgewing van Olifantshoek in hegtenis geneem.

Ramatseba sê die verdagte sal binnekort in die hof verskyn en ’n aansoek om borgtog sal teengestaan word.

Lt.genl. Risimati Peter Shivuri, provinsiale polisiekommissaris, het die lede vir hul vinnige optrede en spanwerk om die verdagte vas te trek bedank.

Shivuri sê misdaad teen vroue en kinders, en meer spesifiek bejaardes, sal nie geduld word nie.

“Geen moeite sal ontsien word om oortreders vas te trek nie en hulle sal nié die reg vryspring nie.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.