Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Teleurstelling groot
Charissa Benadé
Charissa Benadé van die Hoërskool Kalahari in aksie op die hokkieveld. Foto: Verskaf

Die Hoërskool Kalahari se getrouste hokkiespeler glo die eerste span sou vanjaar nog baie hoogtes bereik het as dit nie vir die Covid-19-inperking was nie.

Charissa Benadé, ’n matrikulant, sê dit is ’n groot teleurstelling dat vanjaar se gr. 12-sportspelers nie die kans gegun word om hul skool se naam vir oulaas trots hoog te hou nie.

Sy sê om vir die Hoërskool Kalahari se eerste span uit te draf, het haar altyd trots laat voel omdat die hele skool bankvas agter hulle gestaan het.

“Almal ondersteun mekaar en is altyd daar vir mekaar”, sê sy.

Charissa, wat in 2018 die trofee vir die getrouste hokkiespeler ontvang het, sê sy het vanjaar die meeste daarna uitgesien om aan die interskole-liga deel te neem.

Sy voel Kalahari se eerste hokkiespan kon vanjaar uitstekend presteer en baie hoogtes bereik het. Die beste herinnering vir haar op die hokkieveld is wanneer hulle ’n wedstryd gewen het, en saam as ’n span hul “Victory-” kreet hardop kon sing.

Sy het verlede jaar ’n spesiale toekenning, die Metropolitan-beker vir die veelsydigste meisie in gr. 11, ontvang.

Sy is ’n slimkop wat jaar ná jaar op die skool se toptien-akademielys verskyn het.

Sy beplan om volgende jaar grondslagfase-onderwys aan die Noordwes-Universiteit (NWU) se Potchefstroom-kampus te studeer.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.