Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Trane vloei toe ma en seun herenig
Ruujon Greeff
Trane van vreugde het gevloei toe Ruujon Greeff met sy ma, Anneke, herenig is. Hier omhels die ma en seun mekaar. Foto: Verskaf

Die trane het vryelik gevloei toe ’n seun van Postmasburg wat verlede week as vermis aangemeld is, met sy ma herenig is.

Die dertienjarige Ruujon Greeff is die aand van 16 Julie eindelik met sy ma, Anneke, herenig nadat die polisie ’n soektog op sosiale media begin het.

Ao. Nomvuyo Makaloi, polisiewoordvoerder, sê Anneke het haar seun Woensdagaand, 15 Julie, as vermis aangemeld nadat hy die middag omstreeks 16:00 laas gesien is.

Ruujon het aan die gesin se huiswerker gesê dat hy by sy tannie in Groenwater, sowat 20 km van Postmasburg, gaan kuier.

Hy het ’n swart sak gepak en die huis met sy twee boerboelhonde verlaat.

Ruujon het toe nooit by sy tannie opgedaag nie.

Die polisie het dieselfde aand met ’n grootskaalse soektog begin en Ruujon se foto’s is wyd op sosiale media versprei.

Donderdag het die polisie ’n wenk ontvang wat daartoe gelei het dat Ruujon in Groenwater opgespoor is.

Meer as 24 uur nadat hy as vermis aangemeld het, is ma en seun die Donderdagaand herenig.

Makaloi sê die seun is medies ondersoek en is ongedeerd.

Lt.kol Andries Witbooi, stasiebevelvoerder van die Postmasburg-polisiekantoor, het lede van die gemeenskap bedank vir hul samewerking.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.