Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Water aan behoeftiges voorsien
Watertenk
’n Watertenk is onlangs vir inwoners van Manenberg op Rietfontein afgelewer. Foto: Meris Kocks

Verskeie informele nedersettings van die Dawid Kruiper-munisipaliteit wat jare lank nie water gehad het nie, het nou weens die Covid-19-pandemie watertenks gekry.

Watertenks is onlangs aan gemeenskappe in Mooi Trap en Manenberg in Rietfontein afgelewer om in die stryd teen die verspreiding van Covid-19 te help.

Meris Kocks, gemeenskaps­aktivis, sê hy is sedert 2018 in ’n stryd met die munisipaliteit om water aan inwoners van informele nedersettings te lewer.

Kocks sê nadat hy sy stryd onder die aandag van die menseregtekommissie en verskeie plaaslike koerante in die omgewing gebring het, het owerhede verlede jaar met ’n bakkie water begin aanry.

Op 11 April vanjaar het Kocks weer ’n brief aan die munisipaliteit en verskeie ander openbare verteenwoordigers gerig om die inwoners se lot te bekla.

Hy het op 24 April met Charles Mchizwa, hoof van kliëntediens, vergader om weer die lot van die inwoners te beklemtoon.

Intussen is twee watertenks van 5 000 liter vandeesmaand in die twee informele nedersettings opgerig.

Hy sê die watervragmotor kom uit Upington, wat beteken dat dit byna 300 km moet reis om die water in Rietfontein af te lewer.

Hierdie werkwyse gaan ’n enorme finansiële impak op die munisipaliteit se begroting het, meen Kocks.

Verder word gewonder hoe lank hierdie waterlewering volhoubaar sal wees, sê hy.

Hy meen die goedkoopste manier is om ’n waterpypleiding na die informele nedersettings aan te bring.

Dit kan vermag word met die bevoegde mense by die satellietkantoor op Rietfontein, sê Kocks.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.