Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sport
Ruiter pronk gou in VSA

Jessi Wessels, ’n saalperdruiter van Upington, gaan eersdaags in New Orleans aan ’n ruiterkunskompetisie deelneem.

Sy gaan van Woensdag 26 Junie tot Saterdag 6 Julie die Noord-Kaap se naam in die VSA hoog hou.

Jessi, ’n gr. 11-leerling aan die Hoërskool Upington, het in April vanjaar aan die Suid-Afrikaanse saalperd-kampioenskappe op die Bloemskou in Bloemfontein deelgeneem.

Hier het sy aan die kampioen van kampioene-ruiterkunskompetisie in die driegang- en vyfgang-afdeling deelgeneem.

Die reën tydens die kompetisie in Bloemfontein het groot spanning in die uitdunrondes veroorsaak.

Weens die reën moes die formaat van die kompetisie aangepas word.

Nadat Jessi en die ander ruiters almal die slegte weer trotseer het, het sy tot eindronde agt in die driegang en vyfgang deurgedring.

Jessi het ook aan die driegang-ryperd-ruiterkuns, klas 16 jaar en onder, deelgeneem en was vierde.

Jessi en haar perde word deur Martin L. Pienaar van die Dream Acres Equestrian Centre in Bloemfontein afgerig.

Jessi het haar junior Protea-vyfgangkleure op Maandag, 22 April, op ’n dinee by die skou ontvang.

Narike Hoft, ook van die Hoërskool Upington, het in die klas 14 jaar en onder in driegang die agtste plek behaal.

In die klas vir 14 jaar en onder het Narike die vierde plek in driegang-ruiterkuns behaal.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kalahari Bulletin Kontak ons
Stemme

Hallo, jy moet ingeteken wees of registreer om artikels te lees.