Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Cradock-tennisspeler verteenwoordig OP by toernooi

VIER spelers van die Cradock-tennisklub het die Oostelike Provinsie by die interprovinsiale tennistoernooi wat by Sun City plaasgevind het, verteenwoordig.

Die broers Ricky en Robert de Klerk, en die susters, Liezel Rautenbach en Nandi Norval, is etlike weke terug, ná uitspeelrondtes in Port Elizabeth, aangewys om die Oostelike Provinsie by hierdie toernooi te verteenwoordig.

Daar was by Sun City geen vooraf keuring van spelers nie aangesien dit die eerste keer was wat die toernooi aangebied is en Cradock moes in groep twee speel.

In die eerste uitspeelrondtes het OP die span van Wesbank (Suid-Westelike Distrikte) met 3-0 geklop en daarna ook vir Lapeza (Noord-Kaap) 3-0 geklop.

Hulle het egter teen Kovsies vasgeval toe die vroue 2-0 en die mans 2-1 verloor het. Hulle het gemengde dubbelspel ook verloor en tweede in hul afdeling geëindig. In die volgende rondte het hulle teen Strand 2-1 verloor, maar die uitspeelrondte vir sewende en agtste plekke gewen om in die sewende algehele plek te eindig.

Cradock se span was die enigste “dorp” span wat teen spelers uit stede kragte gemeet het. Wat opmerklik was in die toernooi, was dat ses uit die 64 spelers wat aan die toernooi deelgeneem het, oud-skoliere van die Hoërskool Cradock was.

Hulle was Arné Nel, Reze Opperman, Robert de Klerk, Ricky de Klerk, Nandi Norval en Liezel Rautenbach.

Die toernooi is deur Growth Point-eiendomsmaatskappy geborg.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Mid-Karoo Express Kontak ons
Stemme

Hallo, jy moet ingeteken wees of registreer om artikels te lees.