Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Betogers ontwrig munisipale vergadering

’n INXUBA Yethemba munisipale raadsvergadering wat verlede Donderdagoggend op Cradock sou plaasvind, moes inderhaas na Middelburg verskuif word toe ’n groep van ongeveer vyftig betogers die raadsaal binne gestorm en die vergadering ontwrig het.

Volgens Xolela Msweli, munisipale bestuurder van IYM, was die betogers werkers in diens van Chris Hani Distriksmunisipaliteit (CHDM) wat paaie in die omgewing namens die Departement van Transport moet onderhou.

“Ons het regtig niks met hulle te doen nie, maar hulle het ons geteiken omdat ons namens hulle, as inwoners van Cradock, met CHDM oor sekere sake onderhandel het,” het hy gesê.

Nádat die vergadering na Middelburg verskuif is, het die betogers Hospitaalstraat, aan die uitgang van die dorp, met klippe en gemors bestrooi. Hulle het ook op die pad na Tarkastad betoog en die pad probeer versper met klippe en brandende bande.

Die plaaslike polisie het baie vinnig opgetree en hulle is sonder voorval uiteengejaag.

Verkeer was slegs vir ’n kort tydjie onderbreek.

Stadsraadslede was Maandag, toe maatskaplike pensioene uitbetaal is, by banke en ander betaalpunte ontplooi om te verseker al die pensionarisse behou ’n afstand van een meter van mekaar.

’n Dringende raadsvergadering om die finale voorlopige begroting te bespreek, is Dinsdag, ook weer in Middelburg, gehou.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.