Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Cradock water- en kraginfrastruktuur broos

CRADOCK inwoners in die hoogliggende gebiede het oor die afgelope 44 dae sedert Desember, vir 21 dae nie water gehad nie.

Hierdie probleem word ook deur die plaaslike gevangenis en die industriële gebied ondervind.

Ten spyte van ’n optog en petisie wat oorhandig is, is daar steeds geen verbetering aan dié dienste wat Chris Hani Distriks-munisipaliteit (CHCM) lewer nie.

Jacques Jordaan, sakeman word dubbeld deur hierdie probleem getref. Sy huis is in die hoogliggende area van die dorp, terwyl sy besigheid in die industriële gebied gevestig is.

“Water gaan altyd eerste by ons weg en kom altyd laaste terug. ’n Mens kan nog ’n plan maak as die elektrisiteit afgaan, maar sonder water kan jy niks doen nie,” het Jordaan gesê.

Omdat Cradock se infrastruktuur so broos is, vind kragonderbrekings bo en behalwe Eskom se geskeduleerde kragonderbrekings gereeld plaas.

In sulke gevalle moet noodpompe aange-skakel word om water van die opgaar- damme na die suiweringswerke te pomp. Dit gebeur nie gereeld nie.

Thobeka Mqamelo, woordvoerder van CHDM, het gesê Eskom se kragonderbrekings veroorsaak dat van hul pompe (booster pump/aanjaagpomp) onklaar raak. Gevolglik kan daar nie genoeg water na die hoogliggende gebiede gepomp word nie.

Sy was onder die indruk dat dié krag en water probleme opgelos is.

Sy was ook onder die indruk dat waterlekkasies in Cradock wat aangemeld word onmiddellik aandag kry, so ook met die aanmelding van riool wat in die Visrivier vloei.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.