Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
‘Dink anders oor water’

DIE minister van menslike neder-settings, water en sanitasie, Lindiwe Sisulu, het mediaverteenwoordigers by die parlement toegespreek oor die departement se beplande optrede in reaksie op die droogte.

Volgens Sisulu het haar departement die droogtetoestande in al die provinsies geëvalueer en met voorstelle vir ingrypings op die kort, medium, en lang termyn vorendag gekom. Die departement het ook grondwaterbronne in droogtegeteisterde streke van elke provinsie ondersoek.

Droogtestrekking in Oos-Kaap

Volgens Sisulu is Oos-Kaapse damme wat minder as 10% vol is, as kritiek gekategoriseer. Slegs twee van die 46 damme in die Oos-Kaap is tans 100% vol. Volgens die jongste damvlakverslag van die departement is 18 Oos-Kaapse damme meer as 50% vol, terwyl 26 damme minder as 50% vol is. Agt hiervan is in ‘n kritieke toestand (<10%), nl. die Xilinxadam, Gcuwadam, Bonkolodam, Beervleidam, Nqwebadam, Tolenidam, Kommandodriftdam, en Lake Arthur.

Departementele ondersoeke het voorts laat blyk dat 44 Oos-Kaapse dorpe tans intensief deur die droogte geaffekteer word.

Vir die 2018-2019 periode is reeds R 571.4 miljoen se droogtehulpfondse bewillig, maar vir 2019-2020 is R 1.039 biljoen se bestaande projekte gelys vir implementering.

“Ons kan nie die realiteit dat Suid-Afrika ‘n waterskaars land is ontsnap nie,” het Sisulu op die mediakonferensie gesê. “Dit is ons eie verantwoordelikheid om te verseker dat ons dít wat ons het, sal bewaar, en om spaarsamig te werk te gaan met die bietjie bronne wat ons het.

“Dit het noodsaaklik geword dat ons almal ons gedrag en ingesteldheid teenoor water in heroorweging moet neem en aanpassings maak. Daar lê vir ons baie werk voor,” het Sisulu beklemtoon.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.