Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Gemeenskap reik uit na haweloses tydens inperking
Haweloses in Graaff-Reinet het ’n veilige heenkome gevind in die Alex Laing-saal in Kroonvale vir die duur van die Covid-19 inperkings. Foto: VERSKAF

EEN van die vele uitdagings wat saam met die nasionale Covid-19 inperking gekom het, was die huisvesting van haweloses in Oos-Kaapse dorpe.

In Graaff-Reinet het dit deursettingsvermoë en spanwerk gekos, maar uiteindelik is ’n plek van veiligheid ingerig om haweloses ’n heenkome te bied totdat die inperking op 16 April verstryk. Die plaaslike polisiediens het reeds verlede Vrydag haweloses by die Alex Laing-saal in Kroonvale besorg, maar omdat feitlik almal steeds swaar onder die invloed van drank en dwelmmiddels verkeer het, was dié poging tot tydelike huisvesting nie suksesvol nie.

Teen Sondagoggend het die polisie, Gift of the Givers, Smhart en CDK Sekuriteitsmaatskappye egter daarin geslaag om haweloses by hul skuilplekke, soos die ou swembad en Oval sportgronde, te gaan oplaai en weer by die Alex Laing-saal te besorg.

Hier is matrasse, komberse, klere, skoene en persoonlike higiëne items aan haweloses uitgedeel, terwyl die plaaslike tak van Pick ’n Pay waslappe en sponse geskenk het.

In die Covid-19 voedingskema het Gift of the Givers hande gevat met die departement van maatskaplike ontwikkeling, Sassa en die munisipaliteit, terwyl plaaslike onderneming Pak Food vermoeid sal wees met die voorbereiding van drie etes per dag. Einde ten laaste het individue wat van die voedingskema te hore gekom het, kontant-donasies gemaak en kosskenkings op hul stoepe gelos wat Corene Conradie kon gaan kollekteer, terwyl die NG Grootkerk ook voedselbydraes gelewer het.

“Ek is in trane...God is so goed,” het Conradie teen die einde van Maandag haar dank uitgespreek vir die spanwerk wat deur die gemeenskap aan die dag gelê is.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.