Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Graaff-Reinet: skoolhoof sterf

NARSINGSTRAAT Primêre Skool is vandeesweek in rou gedompel ná die afsterwe van hul geliefde skoolhoof, Trevor Moos (56).

Moos is op 30 September met COVID–19 gediagnoseer, en was die laaste twee weke voor sy dood in die Netcare Greenacres Hospitaal in Port Elizabeth.

Richard Swartz, adjunkhoof by Narsingstraat sê, “Dit was vir ons ’n groot skok toe ons Saterdag omstreeks 12:00 die tyding ontvang dat Trevor nie meer met ons is nie.”

“Trevor was ’n uitstekende leier en hy het nog baie toe-komsplanne vir die skool gehad.”

Swartz ken Moos reeds sedert 1991 toe hulle eers as opponente en later as spanmaats op die krieketveld saamgespeel het.

“Trevor was eers sekretaris en later voorsitter van die United Krieketklub. Hy was nie net plaaslik en in die distrik bekend en geliefd nie, maar eintlik landwyd. Trevor was die bestuurder en ek die afrigter van die Oostelike Pro-vinsie Krieketklub en ons het landwyd saamgereis,” het Swartz gesê.

Volgens Swartz was Moos nie net ’n goeie administrateur en kollega nie, maar ’n opregte vriend en ’n geliefde vader- figuur.

“Hy was ’n familiemens, nóú betrokke by gemeentelike aktiwiteite by die NG Gemeente Kroonvale en ’n regte mense-mens,” sê hy.

Volgens Carol Meshilinie, ook ’n adjunkhoof by Narsingstraat, was Moos ’n baie deeg-like mens en betroubare kollega.

“Ek het my verslae en no-tules altyd eers na hom toe ge-neem en dan het hy geduldig met rooipen in die hand al my foute vir my onderstreep. Ek sal dit altyd van hom onthou. Wie gaan nou my notules regmaak?,” sê Meshilinie.

“Meneer Moos het altyd ’n baie groot liefde vir die skool en vir sy kinders gehad en het altyd die belange van die skool voorop gestel.

“Ons personeel en leerders gaan hom verskriklik baie mis, veral vir sy pittige sêgoed en skerp sin vir humor.”

Personeel en leerders van Narsingstraat Primêr was baie hartseer om van Moos se afsterwe te verneem.

Plaaslike pastoor André Brink van die Child Evange-lism Fellowship het Maandag-oggend ’n vertroostende boodskap by die skool kom lewer.

Verskeie topbestuurslede van die distrikskantoor van onderwys het reeds hul simpatie betuig.

Moos laat sy vrou Elsebe en twee kinders, Trevor (19) en Chloe (17) agter.

  • ’n Gedenkdiens word vanaand 18:00 in die NG Kerk Kroonvale vir Moos gehou.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.