Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
In Cradock ry bakkies weer met modder op

IN Cradock ry bakkies weer met modder gespat rond en die ko- öperasies verkoop weer fluks reënjasse en reënmeters.

Volgens Hilton Collett, voorsitter van Cradock Distrikslandbou–unie, het die distrik die afgelope ses weke goeie reën gekry.

Daar was tot 220mm gemeet op plase wat aan die begin van Januarie begin reën kry het en 80mm op plase waar dit eers aan die einde van Januarie begin reën het.

“Goeie opvolgreën is egter nou kritiek sodat die veld nog kan groei,” het hy gesê. Hy het egter verduidelik dat 35% van karoo-bossies nog nie begin uitloop het nie maar hy vertrou dat dit met opvolgreën sal geskied. “’n Goeie, normale reënseisoen is egter noodsaaklik om die veld te laat herstel,” het hy bygevoeg.

Volgens hom is daar egter nog net ses weke groei oor in die hoogliggende dele van die distrik waar die eerste ryp al gedurende die eerste week van Maart verwag word.

Volgens Collett was dit ’n lang droogte wat veroorsaak het dat reserwes baie laag is met winter net om die draai. Met goeie opvolgreën en as dit eers later ryp, sal boere egter ’n kans hê om die winter te oorleef.

Besproeiingsboere se produksie op hul lande het ook aansienlik verbeter. Ná die reën het hulle ook nie soveel besproei-ingswater uit die kanale nodig nie, wat ’n groot hulp is vir boere wie se kwotas eersdaags oorskry sal word.

In die Elandsdriftgebied van die distrik waar die reën baie laat gekom het, is boere verheug oor die 44mm wat onlangs daar aangeteken is.

“Ons is baie dankbaar vir die reën en sien uit na opvolgreën,” het dr. Ettienne du Toit, wat in daardie omgewing boer, gesê.

Hulle sien ook angstig uit na opvolgreën en is veral dankbaar vir die bietjie water wat Commandodrift-dam opgevang het.

“Dis genoeg vir twee leibeurte en alhoewel dit laat in die seisoen is, kan ons nou ook plant,” het hy bygevoeg.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.