Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Inbrekers maak amok by oeroue slaghuis

DIS lankal nie meer bejaardes wat ook onder misdadigers deurloop nie.

Op die dorpie Alice, 20 kilometer buite Fort Beaufort, is daar voorverlede Sondag by die geskiedkundige Tremeer-slaghuis ingebreek.

Dit wil nou voorkom asof dit dié slaghuis se eerste inbraak in meer as honderd jaar is.

Die slaghuis het sy deure vir die eerste keer in 1918 geopen en het verlede jaar sy eeufeesvieringe gehou.

Luidens Rudy Turner (32), mede-eienaar van Tremeer-slaghuis op dié dorp, het ’n groep vernuftige inbrekers dié betrokke Sondagaand sinkplate van die gebou se dak verwyder en só toegang tot die perseel verkry.

Hulle het die alarmstelsel en kameras gedeaktiveer. Die alarm het wel by die slaghuis se sekuriteitsmaatskappy afgegaan.

’n Wag het glo ondersoek gaan instel, maar niks op of binne die perseel gewaar nie.

Turner, wat op Fort Beaufort woon, het aan Mid-Karoo Express gesê dat die inbrekers vermoedelik kort ná middernag op dié betrokke aand by die slaghuis ingebreek het.

“Hulle het die brandkluis met hoekslypers oopgemaak en is met die ganse naweek se kontant vort. Hulle het selfs die monitors en kameras gevat en ons het geen videomateriaal waarmee die polisie hulle vas kan trek nie,” het Turner gesê.

Volgens Turner is dit duidelik dat die rowers net op soek na kontant was, want geen vleis of ander produkte is uit die perseel verwyder nie.

Die besigheid was Maandag gesluit terwyl die polisie se forensiese span met hul ondersoek besig was.

Dit raak nou hoogmode vir inbrekers om deur die dak toegang tot wonings of besigheidspersele te verkry.

Op Fort Beaufort is vroeër vanjaar op soortgelyke wyse by drie prominente inwoners se wonings ingebreek.

Instapkluise is met hoekslypers oopgesny en wapens is onder meer gebuit.

Volgens Turner ondersoek die polisie die saak en is niemand nog in verband met die voorval in hegtenis geneem nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.